Fundur var haldinn í Byggingar-, umhverfis- og skipulagsnefnd Strandabyggðar fimmtudaginn 28. apríl kl. 18:00 á skrifstofu sveitarfélagsins. Mættir voru Sigurður Marinó Þorvaldsson, Þorsteinn Paul Newton, Hafdís Sturlaugsdóttir, Ingibjörg Emilsdóttir og Valgeir Örn Kristjánsson. Gísli Gunnlaugsson, byggingarfulltrúi sat einnig fundinn.

 
Á dagskrá fundarins var eftirfarandi:

1. Grenndarkynning vegna Sorpflokkunarstöðvar á Skeiði 3

Grenndarkynning hefur nú farið fram fyrir gámastöð og meðhöndlun úrgangs að Skeiði 3 á Hólmavík þar sem gert er ráð fyrir að landnotkun á Skeiði 3 verði óbreytt frá gildandi aðalskipulagi sem iðnaðarsvæði. Kynningin fór fram fyrir hagsmunaaðilum í aðliggjandi lóðum samkvæmt samþykki sveitarstjórnar frá 12. apríl 2011. Kynningarfundur var haldinn fimmtudaginn 14. apríl 2011 þar sem spurningum var svarað auk þess sem rætt hefur verið við þá aðila sem sendu inn fyrirspurnir. Ekki liggja fyrir frekari athugasemdir. Allir aðilar hafa skrifað undir samþykki sitt, sjá fylgiskjal. Byggingar-, umferðar- og skipulagsnefnd beinir því til sveitarstjórnar að landnotkun á Skeiði 3 verði óbreytt frá gildandi aðalskipulagi sem iðnaðarsvæði.

2. Breytingar á Hafnarbraut 14, erindi frá Hlökk ehf. dags. 14. apríl 2011

Nefndin samþykkir erindið.

3. Gamla gufubaðstofan, klæðning, erindi frá Magnúsi Ólafssyni og Rut Bjarnadóttur, dags. 19. apríl 2011

Nefndin samþykkir erindið. Nefndin fer fram á að við lok framkvæmda þurfi að skila inn reyndarteikningu þar sem þessar breytingar koma fram.

4. Uppdráttur á lóð við Kópnesbraut 3b vegna lóðarleigusamnings, erindi frá Árna Daníelssyni

Nefndin samþykkir tillögu að 656 fm lóð til leigu við Kópnesbraut 3b. Á suð-vesturhluta lóðarinnar þarf að vera kvöð um aðgengi að lögnum. 

5. Notkun á lóð við Brunnagötu 7, erindi frá Þorsteini Sigfússyni, 26. apríl 2011

Þorsteinn fær leyfi til að hafa hjólhýsið á tilgreindum stað fram á haust 2011 sem tímabundna lausn á meðan ekki er búið að ráðstafa lóðinni til annarra nota.

6. Önnur mál.

a. Umsókn frá Sævari Benediktssyni um að klæða Höfðagötu 1 að utan. Erindi samþykkt.

b. Umsókn frá Þórólfi Guðjónssyni um byggingu fjárhúss að Innri-Ósi. Erindið samþykkt með fyrirvara um að fullnægjandi byggingarteikningum verði skilað inn áður en framkvæmdir hefjist.

c. Erindi um breytingu þinglýsingar á húsnæði Guðbjargar og Ragnheiðar Jónsdætra á Broddanesi úr einbýlishúsi í sumarhús. Erindi samþykkt.

d. Beiðni kom frá eigiendum geymslu við Norðurfjöru um breytta skráningu á eigninni. Ekki er hægt að verða við erindinu þar sem lóðarmál eru ófrágengin. Byggingarfulltrúa falið að ræða við eigendur vegna þessa.

e. Ábending til sveitastjórnar um að ekkert grænt svæði er fyrir börn til leikja í túnunm. Tillaga kom um að bæta úr því t.d. á lóðinni Lækjartún 9.

f. Nefndin kallar eftir upplýsingum um umferðalagasamþykkt sem hún vann í vetur.

Valgeir Örn Kristjánsson (sign)

Sigurður Marinó Þorvaldsson (sign)

Ingibjörg Emilsdóttir (sign)

Þorsteinn Paul Newton (sign)

Hafdís Sturlaugsdóttir (sign) 

ATH: Fundargerðin var tekin fyrir á fundi sveitarstjórnar 3. maí 2011.