Fundur var haldinn í Byggingar-, umferðar- og skipulagsnefnd Strandabyggðar 9. nóvember 2010 kl. 17:00 á skrifstofu sveitarfélagsins að Hafnarbraut. Hafdís Sturlaugsdóttir varaformaður nefndarinnar setti fundinn og stjórnaði honum. Aðrir fundarmenn voru Jóhann L. Jónsson, Sigurður Marinó Þorvaldsson, Ingibjörg Sigurðar og Jón Gísli Jónsson. Ingibjörg Sigurðar ritaði fundargerð. 

Eftirfarandi dagskrá lá fyrir fundinum:

1. Umsögn Strandabyggðar: Strandvegur (643), Djúpvegur - Geirmundarstaðavegur, erindi frá Skipulagsstofnun dags. 11. október 2010.

Nefndin telur ekki þörf á að gerð verði skýrsla um mat á umhverfisáhrifum við Djúpveg-Geirmundarstaðaveg í Strandabyggð.

2. Grenndarkynning vegna Hafnarbrautar 7, erindi frá sveitarstjóra dags. 4. nóv. 2010.

Nefndin samþykkir að greindarkynning fari fram og frestur verði gefin til 14.desember 2010.

Grenndarkynning vegna Hafnarbrautar 7, Hólmavík.

Á fundi skipulags-, byggingar- og veitunefndar 9. nóvember 2010 var ákveðið að fram fari grenndarkynning vegna Hafnarbrautar 7 á Hólmavík sbr.7 mgr. 43 gr. Skipulags- og byggingarlaga. Sveitarstjórn Strandabyggðar hefur samþykkt að landnotkun á Hafnarbraut 7 verði í aðalskipulagi breytt úr íbúðasvæði í verslunar- og þjónustusvæði  í samræmi við að þar verði starfrækt kaffi- og veitingahús.   Hér með er þessi breyting á notkun Hafnarbrautar 7 kynnt fyrir íbúum og eigendum í aðliggjandi húsa.  Athugasemdum skal skila skriflega á skrifstofu Strandabyggðar að Hafnarbraut 19 eða á netfangið holmavik@holmavik.is merkt „grenndarkynning" fyrir 14. Desember 2010 (þarf að gefa 4. vikur) Þeir sem ekki gera athugasemdir innan tilskilins frests teljast samþykkir tillögunni.

Hólmavík,  2010

Sveitarstjóri Strandabyggðar.

3. Lóð við Kópnesbraut 4b, erindi frá Atla Má Atlasyni og Ragnheiði Hörpu Guðmundsdóttur, dags. 11. sept. 2010.

4. Lóð við Kópnesbraut 4, erindi frá Helga Ingimundarsyni, dags. 3. okt. 2010.

Liður 3 og 4 tekin saman. Sigurður Marinó vék af fundi. Nefndin beinir því til sveitastjórnar að Gísli Gunnlaugsson sé fengin til að mæla upp lóðirnar. BUS leggur til að miðlínan milli húsanna verði látin gilda.

Sigurður kom inn á fundinn.

5. Starfsleyfi vegna bifreiðar- og vélaverkstæðis að Hafnarbraut 22, erindi frá Daníel Ingimundarsyni, dags. 26. október 2010.

Nefndin beinir því til sveitastjórnar að starfsleyfið verði ekki endurnýjað þar  sem fullnægjandi gögn um ástand húsnæðisins fylgja ekki umsókninni.

6. Færsla á tröppum við Borgabraut 4, erindi frá Elísabetu Pálsdóttur, dags. 1. nóv. 2010.

Nefndin beinir til sveitastjórnar að erindið verði samþykkt.

7. Fulltrúar Strandabyggðar í starfshóp vegna svæðisskipulagsgerðar fyrir Vestfirði, erindi frá Fjórðungssambandi Vestfjarða dags 28. október 2010 lagt fram til kynningar.

Lagt fram til kynningar.

8. Önnur mál.

Athuga þarf fyrir næsta fund útlitsbreytingar á Hafnarbraut 37 og Höfðagötu 2.

Fundi slitið kl. 18:25

Hafdís Sturlaugsdóttir (sign)

Jóhann L. Jónsson (sign)

Sigurður Marinó Þorvaldsson (sign)

Ingibjörg Sigurðardóttir (sign)

Jón Gísli Jónsson (sign)

ATH: Fundargerðin var tekin fyrir á fundi sveitarstjórnar 16. nóvember 2010.