Vikan 10. – 14. september

Mánudagurinn byrjaði á stærðfræði þar sem nemendur unnu að markmiðum vikunnar ásamt því að vinna í hópavinnu. Unnið var með strætókerfið, nemendur áttu að ákveða áfangasta, en þau fóru frá Hólmavík, finna út hvernig þeir kæmust með strætó á áfangastað. Þeir áttu að reikna út ferðatíma og hvað það myndi kosta þau.  Í þriðja og fjórða tíma var íslenska. Þar unnu nemendur að markmiðum sínum. Allir eru komnir vel af stað í lotu 1.  Í ensku voru bls. 48 - 52 lesnar og þýddar. Þetta er sagan um Frankenstein, nemendur skila síðan þýðingunn. Í náttúrufræði var farið yfir kafla 2.1. Nemendur gerðu sjálfspróf 2.1 og lásu síðan kafla 2.2.

Á þriðjudag var samfélagsfræði í fyrstu tveimur tímunum, 9. bekkur er að vinna í efnahagskerfinu. 8. bekkur hefur verið að vinna með menningu á Íslandi. Í íslensku eru allir að vinna í Skerpu á sínum hraða og vinna að markmiðum sínum. Í dönsku var unnið í vinnubók með start bókinni. Nemendur voru að vinna blaðsíður 62 og 63.  Í ensku var unnið að þýðingu á Franlenstein sem á að skila til kennara á föstudag.  Í íþróttum var verið í íþróttasal og farið í þrautabraut sem fjórir nemendur gerðu.

 Á miðvikudag var stærðfræði og upplýsingamennt fyrstu tvo tímana og síðan aftur í síðasta tíma fyrir mat og fyrsta tíma eftir mat. Var bekknum skipt upp í tvo hópa þar sem annar hópurinn vann í upplýsingamennt hjá Arnari og hinn hópurinn vann í stærðfræði hjá Ásu. Síðan var skipt í seinni tveimur. Í upplýsingamennt var haldið áfram vinnunni við skipulagsbókina og er þeirri vinnu lokið. Ættu nemendur að fá skipulagsbók afhenta einhvern næstu daga. Dagurinn endaði í náttúrufræði þar sem unnið var í kafla 2.2 og 2.3. Nemendur gerðu sjálfspróf 2.2.

Á fimmtudag var danska í fyrsta tíma þar sem var verið að vinna í hlustunaræfingum.. Síðan var tjáning þar sem nemendur í 8. bekk kynntu smásöguna sem þeir hafa verið að lesa í íslensku. Í þriðja og fjórða tíma var samfélagsfræði þar sem haldið var áfram vinnu við sömu viðfangsefni og á þriðjudeginum.  Í síðasta tíma fyrir mat var bekkjarfundur, var talað um framkomu og hvernig ákveðin hegðun verður þreytandi og jafnvel leiðinleg til lengdar.   Eftir hádegið var íslenska þar sem nemendur unnu að markmiðum sínum  og þau enduðu daginn í íþróttum þar sem farið var í hafnabolta.

Á föstudag var íslenska þar sem unnið var að markmiðum í Skerpu og nemendur í 9. bekk völdu sér kjörbók. Í stærðfræði var unnið að markmiðum. Í dönsku var unnið í vinnubók og hlustunaræfingum.  Í síðasta tíma var stærðfræði þar sem nemendur unnu að markmiðum sínum.

Takk fyrir góða viku og eigið góða helgi.

Kveðja Ása