Vikan 3. – 7. september

Mánudagurinn byrjaði á stærðfræði þar sem nemendur unnu að markmiðum vikunnar. Í þriðja og fjórða tíma var íslenska. Þar unnu nemendur að markmiðum sínum. Allir eru búnir að velja sér kjörbók og smásögu. Þær á að lesa heima. Í ensku voru bls. 54-58 lesnar og glósaðar. Í náttúrufræði var farið yfir kafla 1.2. Nemendur gerðu sjálfspróf 1.2 og 1.3 var unnið í hópum.

Á þriðjudag var samfélagsfræði í fyrstu tveimur tímunum, 9. bekkur er að vinna í efnahagskerfinu. 8. bekkur hefur verið að vinna með menningu á Íslandi. Í íslensku eru allir að vinna í Skerpu á sínum hraða og vinna að markmiðum sínum. Allir eru búnir að velja sér kjörbók/smásögu sem á að lesa heima og vinna síðan verkefni um hana í kennslustundum. Í ensku var unnið að markmiðum vikunnar og að þýðingu á textanum Jailhouse rock. Í íþróttum var farið í Rugby og boltaleiki.

Á miðvikudag var stærðfræði og upplýsingamennt fyrstu tvo tímana og síðan aftur í síðasta tíma fyrir mat og fyrsta tíma eftir mat. Var bekknum skipt upp í tvo hópa þar sem annar hópurinn vann í upplýsingamennt hjá Arnari og hinn hópurinn vann í stærðfræði hjá Ásu. Síðan var skipt í seinni tveimur. Í upplýsingamennt var haldið áfram vinnunni við skipulagsbókina og er þeirri vinnu að verða lokið. Ættu nemendur að fá skipulagsbók afhenta í lok næstu viku. Dagurinn endaði í náttúrufræði þar sem unnið var að sjálfsprófum úr kafla eitt, þeir sem áttu eitthvað eftir kláruðu og síðan var farið yfir svörin. Tíminn endaði síðan á því að nemendur undirbjuggu sig fyrir næsta tíma með því að lesa kafla 2.

Á fimmtudag var stærðfræði í fyrsta tíma og unnu nemendur að markmiðum sínum. Síðan var tjáning sem Malla sér um og eru nemendur að vinna að verkefni þar sem þeir munu flytja síðar. Í þriðja og fjórða tíma var samfélagsfræði þar sem haldið var áfram vinnu við sömu viðfangsefni og á þriðjudeginum.  Í síðasta tíma fyrir mat var bekkjarfundur, var talað um vináttu í hennar víðustu mynd.  Eftir hádegið var íslenska þar sem nemendur unnu að markmiðum sínum  og þau enduðu daginn í íþróttum þar sem farið var í boltaleiki.

Á föstudag var íslenska þar sem unnið var að markmiðum í Skerpu og nemendur í 9. bekk völdu sér kjörbók. Í stærðfræði var unnið að markmiðum. Síðustu þrír tímarnir voru danska. Fóru nemendur út í góða veðrið og skrifuðu hjá sér nafnorð úr umhverfinu. Þegar inn var komið var unnið með nafnorðin áfram og nemendur æfðu sig í notkun á óákveðnum og ákveðnum greini.

Takk fyrir góða viku og eigið góða helgi.

Kveðja Ása   

Vikan 27. – 31. ágúst

Mánudagurinn byrjaði í rólegheitum með 8. bekk. Þau unnu vel að markmiðum sínum í þeim fögum sem kennsla var byrjuð í. En í öðrum tímum dunduðum við okkur því við ákváðum að bíða eftir 9. bekk. Síðan var frí hjá þeim frá hádegi á mánudag.

Á þriðjudag kom 9. bekkur aftur eftir Danmerkurferð. Það var mikil gleði og eftirvænting í hópnum. Þau fengu ekki mikinn tíma til að slóra því vinnan hófst á fullu. Þau unnu vel að markmiðum sínum í íslensku. Í ensku var þeim skipt í sjö hópa og átti hver hópur að skrifa um einn dag í Danmörku og lesa það síðan upp í seinni tímanum. Dagurinn endaði síðan í íþróttum þar sem farið var í skotleiki.

Á miðvikudag var stærðfræði og upplýsingamennt fyrstu tvo tímana og síðan aftur í síðasta tíma fyrir mat og fyrsta tíma eftir mat. Var bekknum skipt upp í tvo hópa þar sem annar hópurinn vann í upplýsingamennt hjá Arnari og hinn hópurinn vann í stærðfræði hjá Ásu. Síðan var skipt í seinni tveimur. Í upplýsingamennt var byrjað að setja upp skipulagsbók sem þau ætla að búa sér til sjálf þar sem að ekki var hægt að kaupa meira af Skjatta þar sem framleiðandi lætur ekki prenta meira. Í stærðfræði unnu nemendur að markmiðum. Í náttúrufræði sem var síðasti tími dagsins var byrjað á bókinni Maður og náttúra þar sem fjallað var um efni kafla 1.1 og nemendur unnu sjálfspróf sem átti við þann kafla.

Á fimmtudag var stærðfræði í fyrsta tíma og unnu nemendur að markmiðum sínum. Síðan var tjáning sem Malla sér um og eru nemendur að vinna að verkefni þar sem þeir munu flytja síðar. Í þriðja og fjórða tíma var samfélagsfræði. Í síðasta tíma fyrir mat var bekkjarfundur, en það er nýtt í stundaskrá og er ætlað sem tími þar sem allskonar mál eru rædd og tilkynningum komið til nemenda þegar þarf. Eftir hádegið var íslenska og þau enduðu daginn í íþróttum.

Á föstudag var íslenska þar sem unnið var að markmiðum í Skerpu og nemendur í 9. bekk völdu sér kjörbók. Í stærðfræði var unnið að markmiðum. Síðustu þrír tímarnir voru danska. Þar sem nemendur unnu í vinnubókinni og lesin var upp stutt saga sem nemendur áttu að þýða yfir á íslensku. Í lok dagsins var kosið til nemendaráðs.

Takk fyrir góða viku og eigið góða helgi.

Kveðja Ása   

21.-24. ágúst

Það var mjög gaman að hitta nemendur aftur eftir sumarfrí og allir voru kátir og hressir. Vikan var erfið og við vorum frekar fá þar sem að 9. bekkur var í Danmörku. Nemendur voru að kynnast kennurum sínum og fá bækur afhentar. Allir voru mjög áhugasamir og voru tilbúnir fyrir vinnuna þannig að þau unnu helling í bókunum. Þessi fyrsta vika gekk vel og skemmtum við okkur mjög vel saman.