Nú á miðvikudaginn tekur Grunnskólinn á Hólmavík þátt í Ólympíuhlaupi ÍSÍ sem áður var Norræna skólahlaupið. Hlaupið er lokahnykkur okkar í átakinu göngum í skólann sem var í gangi síðastliðnar tvær vikur en þá notuðu nemendur og starfsfólk virka ferðamáta til að komast til og frá skóla. 

Hlaupið hefst kl. 9:00 við Íþróttamiðstöðina og boðið er upp á þrjár vegalengdir, 2,5 km, 5 km eða 10 km. Öllum er velkomið að taka þátt í þessum skemmtilega viðburði. Að hlaupi loknu bjóða unglingar skólans upp á hollustunammi og síðan verður sundlaugarpartý. Hefðbundin kennsla verður eftir hádegismat.

Fjölmennum endilega á þennan skemmtilega viðburð