Nú er september hafinn og um leið hefst svokölluð heilsuefling í Strandabyggð. Við munum að sjálfsögðu taka þátt í heilsueflingunni en markmið og tilgangur er m.a. að efla heilbrigði og vitund um mikilvægi góðrar heilsu. Af því tilefni munum við bjóða upp á heitan hafragraut frá kl. 9:30-10:00 alla morgna í september. Hafragrautur er einfaldur, góður, saðsamur, fullur af hollri og góðri orku og er eitt besti orkugjafi sem maður getur fengið fyrir daginn. Hollur og staðgóður morgunverður er mjög mikilvægur fyrir alla og benda ýmsar rannsóknir til þess að fæði þeirra sem borða morgunmat er almennt næringarríkara en þeirra sem sleppa honum. Þeir standa sig yfirleitt betur í skóla og starfi, sýna meiri áhuga og einbeitingu og virðast síður eiga í vanda með líkamsþyngdina. 

Verði ykkur að góðu!