JÓLAFÖNDUR FORELDRAFÉLAGSINS
| 25. nóvember 2011
Í ár ætlum við að mála á keramik:
- Fólki gefst kostur á að kaupa eina keramikstyttu til þess að mála á kr. 1.500 kr.
- Innifalið í verði er afnot af málningu og penslum sem verða á staðnum (ef að fólk á pensla má það gjarnan hafa þá meðferðis).
- Ef að fólk vill koma og föndra eitthvað annað er það velkomið, t.d jólakort eða það sem fólki dettur í hug.
Nemendur sem eru á leið í nemendaferð til Danmerkur munu selja kakó og piparkökur á vægu verði. Svo er aldrei að vita nema jólasveinninn kíki í heimsókn til okkar. Ljúf og notaleg stemning og jólalögin munu óma. Allir hjartanlega velkomnir.
Með kveðju frá stjórn foreldrafélags Grunnskólans á Hólmavík.