Í dag kl.17.30 mun lið Grunnskólans á Hólmavík keppa við lið Grunnskólans á Ísafirði í Spurningakeppni grunnskólanna. Lið skólans var valið eftir spurningakeppni sem haldin var í unglingadeildinni fyrir áramót. Þrír stigahæstu keppendurnir komust áfram en þeir eru, Guðjón Alex í 8. bekk, Sigfrús og Ísak Leví í 9. bekk. Liðstjóri er Trausti Rafn í 8. bekk.
Keppnin er útsláttarkeppni.
Landinu var skipt upp í sjö landshluta en aðeins skráðu tveir skólar sig til keppni á Vestfjörðum, Grunnskólinn á Hólmavík og Grunnskólinn á Ísafirði. Sigurvegarinn á svæðinu kemst í átta liða úrslit. Úrslitaviðureignin verður í beinni útsendingu á RÚV.
Við óskum strákunum góðs gengis.