Bókavík tjaldar öllu þessa dagana og hafa íbúar verið duglegir við að skapa viðburði sem og að mæta á þá.

Lokað hefur verið fyrir skil í ljóða- og smásagnakeppni en mikill fjöldi listamanna sendi inn verk. Úrslitin verða kynnt á lokahátíðinni á Kaffi Galdri á sunnudag.

Í dag, fimmtudaginn 20. nóvember, verður hljóðbók spiluð í pottinum milli klukkan 17 og 18, eldri borgarar sjá um upplestur á Bókasafninu kl. 19:30 og kvikmynd byggð á bók verður sýnd á Fjósinu. Hápunktur dagsins er þó án efa heimsókn Andra Snæs Magnasonar en hann verður á Kaffi Galdri kl. 20 í kvöld. Andri Snær mun kynna þar verk sín og hugmyndirnar að baki þeim ásamt því að lesa upp og sitja fyrir svörum. Ása Ketilsdóttir mun jafnframt vera á staðnum og kveða vel valdar rímur.