Í ár er fyrsti viðburður Hamingjudaga á mánudegi. Þar er um að ræða Alls konar ást - frábæra tónleika sem kór Hólmavíkurkirkju stendur að ásamt góðum samstarfsaðilum og gestum. Efnisskrá tónleikanna er fjölbreytt, en í henni er fjallað um ást frá ýmsum hliðum. Þjóðfræðistofa á Ströndum kemur með skemmtileg innlegg milli laga og sérstakir gestir á tónleikunum er Gógó píurnar sem gert hafa garðinn frægann, m.a. á tónlistarhátíðinni Aldrei fór ég suður.

Undirleikari er Stefán Steinar Jónsson og stjórnandi er Viðar Guðmundsson. Aðgangseyrir er kr. 2.000 fyrir 13 ára og eldri.

Allt fyrir ástina!