Forseta- og stjórnarskrárkosningar á dagskrá Hamingjudaga
| 20. mars 2012
Forseti Íslands, Hr. Ólafur Ragnar Grímsson - ljósm. af timarit.is
Meirihluti stjórnskipunar- og eftirlitsnefndar Alþingis samþykkti á fundi sínum í morgun að kosið verði um tillögu stjórnlagaráðs um nýja stjórnarskrá og fimm grundvallarmál samhliða forsetakosningum laugardaginn 30. júní næstkomandi.
Aðstandendur Hamingjudaga fagna þessu framlagi nefndarinnar til hátíðarinnar og hvetur aðra sem kunna að hafa skemmtiatriði eða eitthvað slíkt á takteinum að koma þeim á framfæri í netfangið tomstundafulltrui@strandabyggd.is.
Þess má geta að skipuleggjendur Hamingjudaga munu ekki hafa umsjón með kosningunum, en sjá hins vegar um að besta veðrið verði á Hólmavík þessa helgi :)
