Við lítinn vog, í litlum bæ er lítið hús – lítið hús 

Í leyni inní lágum vegg er lítil mús – lítil mús. 
Um litlar stofur læðast hægt og lítil hjón, 
því lágvaxin er litla Gunna og litli Jón. 

Þau eiga lágt og lítið borð og lítinn disk – lítinn disk 
og litla skeið og lítinn hníf og lítinn fisk – lítinn fisk 
og lítið kaffi, lítið brauð og lítil grjón
því lítið borða litla Gunna og litli Jón. 

Þau eiga bæði létt og lítið leyndarmál – leyndarmál 
og lífið gaf þeim lítinn heila og litla sál – litla sál. 
Þau miða allt sitt litla líf við lítinn bæ 
og lágan himin, litla jörð og lygnan sæ. 

Þau höfðu lengi litla von um lítil börn – lítil börn 
sem léku sér með lítil skip við litla tjörn – litla tjörn. 
en loksins sveik sú litla von þau litlu flón, 
og lítið elskar litla Gunna hann litla Jón. 

Ef þú ferð út í skóg í dag,  
á skíði‘ eða í snjókast. 
Já, ef þú ferð út í skóg í dag 
þá skaltu dulbúast 

því allir bangsar ráfa þar um 
og ræða mál og fylla sinn munn 
því bara í dag er boðið til bangsaveislu. 

Allir bangsar ætla að dansa allir í einni kös, 
þeir eldað hafa fullt af mat og djúsi hellt í glös. 
Þeir leika saman dægrin löng 
og ljúfan syngja afmælissöng 
já, eitt er vist, þeir eru að halda veislu. 

Stóru‘ og litlu bangsarnir 
dansa lengi undir bleiku mánaskini. 
Þeir eru allir lánsamir 
að eiga svona marga góða vini. 

Sjáðu þá alla leika sér, 
já litlum bangsaher finnst gaman að dansa‘ í takt. 
Klukkan fimm koma foreldrar þeirra og fara með þá heim 
því þeir þreyttir eru‘ og farnir að sjá allt skakkt. 

Ef þið farið út í skóg í kvöld er best að vera vel klædd. 
Ef þið farið út í skóg í kvöld þið skuluð ei vera hrædd. 
En best væri‘ að hanga heima í kvöld 
og skoða seinna runnafjöld 
því í skógi‘ í dag var skellt í bangsaveislu.