Laust starf í sameinuðum leik, grunn og tónskóla á Hólmavík

• Kennari/leiðbeinandi í leikskóla 100%. Vinnutími 08:00-16:00.

Leitað er eftir fólki með kennaramenntun, uppeldismenntun eða fólki sem hefur áhuga á að vinna með börnum.

Áhersla er lögð á jákvæðni, sveigjanleika og mikla hæfni í mannlegum samskiptum. Áreiðanleiki og frumkvæði eru góðir kostir. Starfsreynsla æskileg.
Umsækjendur skulu hafa hreint sakavottorð.

Umsóknarfrestur er til 1. apríl 2021. Umsækjendur þurfa að geta hafið störf sem fyrst.

Nánari upplýsingar gefur Hrafnhildur Guðbjörnsdóttir, skólastjóri sími 451 3430, skolastjori@strandabyggd.is

Umsóknir ásamt starfsferilskrá og afriti prófskírteina ásamt upplýsingum um meðmælendur sendist á netfangið: skolastjori@strandabyggd.is

Þau Arna og Matthías urðu 4 ára þann 25. desember.

Á nýju ári héldu þau upp á afmælið sitt í leikskólanum. Þau fengu fína krórónu, afmælissöng og ávaxtapartý.
Innilegar hamingjuóskir með afmælin ykkar elsku Arna Eir og Matthías Þeyr okkar!

Það hefur heldur betur verið nóg að gera hjá börnunum á Lækjarbrekku núna undanfarið.

Þrátt fyrir fjöldakamarkanir þá höfum við getað gert hvers kyns uppbrot á okkar daglega starfi

Við höfum:
bakað og skreitt piparkökur
jólaföndrað og skreitt skólann
Fengum kakó og piparkökur hingað til okkar frá Riis og héldum okkar eigið kaffihús.
Farið í jólaljósabíltúr með 5 ára börnunum og skoðað fallegu Hólmavíkina okkar sem er svo jólaleg um þessar mundir.
Búið til jólagjafir fyrir foreldra
Búið til jólakort
Haldið jólaball þar sem alvöru jólasveinar komu og léku sér á leikvellinum í dágóða stund, öllum börnum til ómældrar gleði.
Þeir meir að segja fengu að kíkja aðeins inn, en voru vel sprittaðir og hanskaðir og grýmaðir. Þeir meirað segja sprittuðu á sér tærnar og hárið og skeggið!
Hlustað á vísur Jóhannesar úr Kötlum um jólasveinana
Verið með jólabókadagatal, þar sem þjónn dagsins fær að velja einn pakka. Pakkinn er opnaður og inniheldur bók sem er lesin í samverustund fyrir hádegismatinn.
Núna í þessum skrifuðu orðum eru börnin að hafa kósídag, horfa á jólamynd (Schrek the halls - á íslensku og svo jólamynd með mikka mús)
Öll eru þau að hafa það kósí á dýnum, fá vatn og smá snakk.

Framundan eru svo jólin í allri sinni dýrð.

Við starfsfólk Lækjarbrekku óskum ykkur íbúum Strandabyggðar sem og landsmönnum öllum gleðilegra jóla og megi nýja árið færa okkur öllum áframhaldandi gleði og hamingju.

Hann Ágúst Andri verður 5 ára gamall þann 21. nóvember. Hann hélt upp á afmælið sitt í leikskólanum. Hann fékk fína kórónu, afmælissöng og afmælisávexti. Innilega til hamingju með afmælið þitt hjartans Ágúst Andri okkar!

Ástvaldur Fróði varð 1 árs þann 16. Nóvember - á degi íslenskrar tungu. Ástvaldur Fróði hélt upp á afmælið sitt í leikskólanum. Hann fékk fina kórónu, afmælissöng og ávaxtaveislu. Innilegar hamingjóskir með afmælið þitt hjartans Ástvaldur Fróði okkar

Á upplýsingafundi stjórnvalda 30.10.2020 kom fram að breytingar verða á skólastarfi. Reglugerð verður unnin um helgina í samstarfi menntamálaráðherra og heilbrigðisráðherra. Nánari upplýsingar verða kynntar um leið og þær liggja fyrir.  

 

 

 

Á laugardaginn 3. október átti Omar Elías 4 ára afmæli og í gær mánudaginn 5. október átti Kolfinna Vísa 5 ára afmæli.

Við héldum upp á afmæli þeirra í gær mánudag. Þau fengu  fína kórónu, afmælissöng og ávaxtaveislu.

Innilegar hamingjuóskir með afmælin ykkar  elsku Omar Elías og Kolfinna Vísa okkar!

Í gær voru börnin á Dvergakoti ótrúlega heppin þegar að einn nemandinn kom með lifandi marhnút með sér í skólann. Peyinn stutti hafði fengið að veiða um morgunninn með fjölskyldu sinni og beit þessi marhnútur á agnið. Drengurinn var að sjálfsögðu ánægður með aflann og vildi sýna samnemendum sínum fiskinn. Ég er svei mér þá ekki viss hvort börnin eða starfsfólkið þótti þetta meira spennandi. En þetta var virkilega skemmtileg upplifun fyrir alla.