Nú hefur Vorsýningin okkar verið sett upp í Íþróttamiðstöðinni. Þar sem mörg börn hafa verið, og eru ennþá veik, verður ekki formleg opnunarhátíð þetta árið. Gestabókin er á sínum stað og viljum við biðja gesti um að skrifa í gestabókina okkar. 

Fimmtudag og föstudag í þessari viku höfum við farið í heimsókn til Siggu og Ragga á Heydalsá, og fengið að kíkja í fjárhúsin.  Þar höfum við fengið að skoða okkur um og leika okkur .  Okkur hefur líka alltaf verið boðið upp á kökur og djús, og finnst það nú ekki verra.Við þökkum kærlega fyrir höfðinglegar móttökur og erum strax farin að hlakka til næsta árs.

Á fimmtudag og föstudag næstkomandi munum við skella okkur í árlega heimsókn til Siggu og Ragga á Heydalsá.
Upplýsingar um hverjir fara hvorn daginn eru á auglýsingatölfu í leikskólanum.
kv. Hlíf

Núna er Alma komin í veikindaleyfi og fer svo í fæðingarorlof.  Hún hefur því látið af störfum í bili.
Hlíf leysir hana af, þangað til búið er að ganga frá ráðningu leikskólastjóra. 

Íris Arnars er orðin tveggja ára. Hún fékk afmæliskórónu og var sunginn fyrir hana afmælissöngurinn. Innilega til hamingju með afmælið Íris!

Þorsteinn Dagur er orðin fjögurra ára. Hann fékk afmæliskórónu og var sunginn fyrir hann afmælissöngurinn. Innilega til hamingju með afmælið Þorsteinn Dagur!

Viðhorfskönnunin sem gerð var meðal foreldra barna á Lækjarbrekku í mars síðastliðnum er nú aðgengileg hér á heimasíðunni. Hægt er að finna hana undir síðunni, Leikskólinn okkar. Einnig er hægt að sjá þar eldri viðhorfskönnun sem gerð var meðal foreldra leikskólabarna í mars 2009. 
Við viljum þakka foreldrum kærlega fyrir þátttökuna.  

Það er stundum gott að geta slakað svolítið á í erli dagsins. :)

Elsti hópurinn í Tröllakoti fékk að skoða segulstál og leika sér aðeins með þau. Það er óhætt að segja að segulkrafturinn hafi vakið hjá þeim gleði og kátínu. Hver veit nema hér séu upprennandi eðlisfræðingar á ferð!!