Auka -sveitarstjórnarfundur 1340 í Strandabyggð

Aukafundur nr.  1340 í sveitarstjórn Strandabyggðar var haldinn fimmtudaginn 29. desember 2022 að Hafnarbraut 25. Fundurinn hófst kl. 13.00. Eftirtaldir sveitarstjórnarmenn sátu fundinn:  Þorgeir Pálsson, sem ritaði fundargerð, Jón Sigmundsson, Sigríður G. Jónsdóttir, Matthías S. Lýðsson og Hlíf Hrólfsdóttir

Fundardagskrá er svohljóðandi:

1. Viðbótarálagning á útsvar vegna fjármögnunar á framlagi í málaflokk málefna fatlaðs fólks
2. Staðfesting á samningi um umdæmisráð landsbyggða.

Oddviti, setti fundinn, bauð fundarmenn velkomna og kannaði lögmæti fundarins.

Umræða:
1. Viðbótarálagning á útsvar vegna fjármögnunar á framlagi í málaflokk málefna fatlaðs fólks

Vegna samkomulags um breytingu á fjármögnun þjónustu við fatlað fólk, er gert ráð fyrir að  sveitarstjórnir leggi á 0,22% álag á útsvar sem mun síðan renna beint til Jöfnunarsjóðs, til fjármögnunar þessa framlags.  Á móti þessu mun ríkið lækka tekjuskattsálagninguna samsvarandi, þannig að bein áhrif á íbúa verða engin.  Oddviti leggur til að sveitarstjórn samþykki 0,22% viðbótarálagningu á núverandi álagsprósentu.  Samþykkt samhljóma.

2. Staðfesting á samningi um umdæmisráð landsbyggða.

Með vísan í samþykkt sveitarstjórnar Strandabyggðar frá sveitarstjórnarfundi 1336 þann 13. september sl. og samskipti og umræðu innan sveitarstjórnar frá því, leggur oddviti hér með til að sveitarstjórn staðfesti fyrra samþykki um þátttöku í umdæmisráði vegna breytinga á lögum um barnavernd, og samþykki þar með endurgerðan samning þar um.  Samþykkt samhljóma.

Fundargerð lesin yfir og ekki fleira tekið fyrir.  Fundi slitið kl. 13.08.

Þorgeir Pálsson

Jón Sigmundsson

Sigríður G. Jónsdóttir

Matthías S. Lýðsson

Hlíf Hrólfsdóttir