Afhjúpun minningarskjaldar í tilefni að því að 400 ár eru liðin frá Spánverjavígunum fer fram við Galdrasýninguna á Hólmavík miðvikudaginn 22. apríl kl. 13-15.

Viðstaddir verða Baskavinir og gestir þeirra sem meðal annars eru menningarstjóri Gipuzkoa héraðs, sýslumaður Vestfjarða og mennta- og menningarmálaráðherra. Athöfnin er öllum opin og eru nærsveitungar þessara merku viðburða sérstaklega hvettir til að mæta og innsigla vinskap Strandamanna og Baska. 

Eftirfarandi flytja stutt ávörp:

Esther Ösp Valdimarsdóttir, tómstundafulltrúi Strandabyggðar
Martin Garitano, menningarstjóri Gipuzkoa
Illugi Gunnarsson, mennta- og menningarmálaráðherra
Jónas Guðmundsson, sýslumaður Vestfjarða

Eftirfarandi koma fram að þessu tilefni:

Tapio Koivukari fer með sjóferðabæn
Xabier Irujo og Magnús Rafnsson flytja táknræna sáttagjörð
Steindór Andersen fer með vísur úr Fjölmóði eftir Jón lærða
Börn úr leikskólanum Lækjarbrekku á Hólmavík syngja og sýna listaverk

Öll velkomin