Afleysingastarf á tómstundasviði
| 15. apríl 2015
Í Félagsmiðstöðinni Ozon fer fram metnaðarfullt starf með börnum á miðstigi og unglingum á Ströndum. Starfið fer að mestu eða öllu leiti fram á kvöldin og um helgar, það er mjög fjölbreytt og byggir á hæfileikum og áhugasviði starfsfólksins og barnanna hverju sinni. Starf í félagsmiðstöð er í senn skemmtilegt, krefjandi, lærdómsríkt og ekki síst þroskandi. Litið verður til þess að starfsfólk félagsmiðstöðvarinnar ætti að vera sem fjölbreyttast hvað varðar aldur, kyn, áhugasvið, hæfileika og kunnáttu svo eitthvað sé nefnt. Jákvæðni, virkni og samstarfsvilji eru lykiatriði í starfinu.
Umsækjandi skal hafa hreint sakavottorð. Jafnframt er æskilegt að viðkomandi hafi náð 20 ára aldri og búi yfir reynslu af starfi með börnum.
Umsóknir um starfið berist á netfangið tomstundafulltrui@strandabyggd.is eða á skrifstofu Strandabyggðar, eigi síðar en þriðjudaginn 21. apríl.
Esther Ösp, tómstundafulltrúi, veitir allar nánari upplýsingar í tölvupósti eða í síma 849-8620. Tómstundafulltrúi áskilur sér rétt til að hafna öllum umsóknum, uppfylli þær ekki skilyrði.