Strandabyggð auglýsir eftir umsjónarmanni með félagsstarfi aldraðra. Um 15% starf er að ræða frá 1. september 2010 til 31. maí og er gert ráð fyrir að félagsstarfið hefjist um miðjan september í félagsheimilinu á Hólmavík. Gerð er krafa um kunnáttu í föndri og annarri handavinnu eða handverki, sem og góða samskiptahæfni.

Umsóknum skal skilað á skrifstofu Strandabyggðar eigi síðar en föstudaginn 23. júlí. Eyðublöð má nálgast á www.strandabyggd.is eða á skrifstofu Strandabyggðar. Nánari upplýsingar eru gefnar í síma 451-3510, eða með tölvupósti á netfangið holmavik@holmavik.is.

Skrifstofa Strandabyggðar