Fimmtudaginn 11. febrúar kl. 19:30 verður fundur í Félagsheimilinu Hólmavík fyrir þá sem hafa áhuga að koma að Barnamenningarhátíð Vestfjarða þar sem verður farið yfir skipulag og hugmyndir.

Barnamenningarhátíð Vestfjarða er haldin í fyrsta skipti í ár hér í sveitarfélaginu okkar Strandabyggð og í samstarfi við nærliggjandi sveitarfélög. Hátíðin verður haldin dagana 14.-20. mars með það að markmiði að efla og styrkja menningu barna og unglinga á Vestfjörðum. Hátíðin á bæði að vera fræðandi og skemmtileg fyrir alla aldurshópa. Hátíðin er kjörið tækifæri fyrir listamenn og áhugafólk að leiðbeina og kenna börnum og unglingum eftir sinni sérþekkingu. Einnig býður hún upp á möguleika fyrir sýningar að ýmsu tagi. Við leitum því til ykkar kæru nágrannar þar sem óskað er eftir fólki sem hefur áhuga á að koma að hátíðinni á einn eða annan hátt.

Ef áhugi er fyrir hendi hafið þá endilega samband við Írisi Ósk tómstundafulltrúa á netfangið tomstundafulltrui@strandabyggd.is eða í síma 846-0281.