Dagana 17. til 23. nóvember verður haldin bókmennta- og ljóðavika í Strandabyggð. 

 

Á dagskránni verður m.a. bókakaffi, Auðbók verður til og efnt verður til ljóða og smásögukeppni.

 

Hver sem er má leggja til framlag eða framlög í keppnina. Skilafrestur er til 20. nóvember og því ekki seinna vænna að hefja skrifin. Dómnefndina í keppninni skipa:

Bára Örk Melsted, Eiríkur Örn Nordahl og Andri Snær Magnason. 

 

Auðbók er bók sem verður auð í byrjun en verður auðug í endann. Auð bók mun ganga á milli manna og skrifar, teiknar eða yrkir hver eins mikið og hann lystir. Í sameiningu ætlum við að skrifa bók. Ef að þig langar til að skrifa í Auðbók getur þú látið vita á síðu Auðbókar á Facebook. (Ef þú átt ekki þannig síðu er hægt að hafa samband við Esther tómstundafulltrúa).

 Saman munum við finna tíma fyrir þig og alla hina til að skrifa í Auðbók.

 

Bókmennta- og ljóðavikan er líka á Facebook. 

 

Lestu fram þinn innri mann!

 

Bára, Ísak og Sunneva

tomstundafulltrui@strandabyggd.is