Á sveitarstjórnarfundi 1231 í Strandabyggð þann 10. febrúar sl. var tekið fyrir erindi frá Viðari Guðmundssyni sveitarstjórnarmanni af J-lista þar sem hann óskaði eftir ársleyfi frá störfum í sveitarstjórn. Var erindið samþykkt.  Ásta Þórisdóttir, fyrsti varamaður af J-lista tekur sæti Viðars í fjarveru hans. Með þessum breytingum breytast jafnframt kynjahlutföll sveitarstjórnar sem þá verður skipuð 3 konum og 2 körlum. Sjá skipan sveitarstjórnar Strandabyggðar hér.