Rauði krossinn á Íslandi stendur fyrir landsæfingu sunnudaginn 19. október og býður þjóðinni jafnframt í mat. Alls verða 48 fjöldahjálparstöðvar opnaðar um allt land þar sem sjálfboðaliðar Rauða krossins standa vaktina, rétt eins og um alvöru neyðarástand væri að ræða.

Fjöldahjálparstöðvar hafa það hlutverk að bjóða þolendum hamfara og annarra alvarlega atburða öruggt skjól, mat, hvíldaraðstöðu, sálrænan stuðning, ráðgjöf og upplýsingar.

Klúbbur matreiðslumeistara leggur Rauða krossinum lið á landsæfingunni með því að reiða fram þjóðarréttinn, íslenska kjötsúpu.

Það er tilvalið fyrir fjölskyldur að sleppa við að elda sunnudagsmat í hádeginu og þyggja kjötsúpu í fjöldahjáparstöð Rauða krossins í Strandasýslu.