Í kvöld, fimmtudaginn 9. febrúar 2012 kl. 20:00, mun Heimir Björn Janusarson garðyrkjufræðingur og forstöðumaður Gufuneskirkjugarðs flytja erindi um gróður og garðrækt í Skelinni á Hólmavík. Erindið ber yfirskriftina Árin(n) í garðinum og er almennt spjall um gróður og garða, nær og fjær. Heimir hefur sinnt trúnaðarstörfum fyrir bæði fagfélög garðyrkjunnar og stjórnvöld. Hann er Strandamönnum af góðu kunnur eftir afar áhugavert erindi um húmor í starfi sem hann flutti á Húmorsþingi á Hólmavík 2011 sem forstöðumaður Gufuneskirkjugarðs.  

Allir íbúar á Ströndum og nágrannasveitarfélögum eru velkomnir í Skelina í kvöld!

Skelin er verkefni á vegum Þjóðfræðistofu og hlaut menningarverðlaun Strandabyggðar árið 2011.