Eftirfarandi stöður eru lausar til umsóknar:

• Íþróttakennari
• Enskukennari
• Stærðfræðikennari á unglingastigi
• Kennsla á miðstigi og/eða yngsta stigi
• Tónlistarkennari í afleysingar vegna fæðingarorlofs á haustönn
• Tveir stuðningsfulltrúar til að sinna nemendum með sérþarfir, stöðuhlutfall er samkomulagsatriði

Skólinn er samrekinn grunn- og tónlistarskóli sem leggur sérstaka áherslu á tónlist og tjáningu í skólastarfi. Í skólanum er lögð áhersla á sveigjanlega og fjölbreytta kennsluhætti, einstaklingsmiðað nám og samvinnu. Einnig er áhersla lögð á umhverfismál og flaggar skólinn Grænfánanum frá því í vor.

Umsækjandi þarf að hafa góða skipulagshæfileika og hæfni í mannlegum samskiptum. Umsækjandi um kennarastöðu þarf að hafa kennaramenntun eða sambærilega menntun.

Laun eru samkvæmt kjarasamningum LN og KÍ vegna kennarastaða en samkvæmt kjarasamningum á almennum vinnumarkaði vegna starfs stuðningsfulltrúa.

Ráðning til auglýstra starfa miðast við næsta haust og allir umsækjendur þurfa að hefja störf eigi síðar en 15. ágúst 2010.

Umsóknarfrestur um störfin er til 20. júní 2010.

Umsóknum skal skilað til:

Skrifstofu Strandabyggðar

Hafnarbraut 19

510 Hólmavík