Stjórn Byggðastofnunar ákvað á fundi sínum í byrjun mánaðar, ef samningar nást við hagsmunaaðila um raunhæfar útfærslur, að mögulegt verði að úthluta allt að 500 þorskígildistonnum af aflamarki stofnunarinnar til Strandabyggðar á yfirstandandi fiskveiðiári.

Fulltrúar Byggðastofnunar, að undangenginni auglýsingu, héldu í kjölfarið fundi með áhugasömum aðilum á svæðinu til að kynna þeim þessa möguleika og hvað í þeim felist.

Þorgeir Pálsson sveitarstjóri segir á vef Strandabyggðar að þarna séu tækifæri sem þurfi að reyna að nýta Strandabyggð til framdráttar.

Byggðastofnun mun auglýsa í næstu viku eftir samstarfsaðilum um nýtingu aflaheimilda á Hólmavík.