Tómstunda-, íþrótta- og menningarnefnd óskar eftir tilnefningum til Íþróttamanns Strandabyggðar 2024.

Útnefningunni er ætlað að vera viðurkenning fyrir unnin íþróttaafrek eða annað framlag til íþróttastarfs á liðnu ári og hvatning til enn frekari afreka í framtíðinni.

Á sama hátt og Tómstunda-, íþrótta- og menningarnefnd útnefnir íþróttamann ársins í Strandabyggð skal velja einn einstakling eldri en 12 ára sem hlýtur svokölluð Hvatningarverðlaun Strandabyggðar. Verðlaunin skulu veitt íþróttamanni sem sýnir ríkan áhuga á sinni íþróttagrein, er góður félagi og góð fyrirmynd.

Hér er hægt að skoða reglur sveitarfélagsins um val á Íþróttamanni ársins

Tilnefningar sendist á netfangið strandabyggd@strandabyggd.is til og með 19. janúar 2025.