Skráning í tónlistarnám

Við minnum foreldra, forráðafólk og fullorðna nemendur á að drífa endilega í skráningu í Tónskólann fyrir skólaárið 2020-2021, sé hljóðfæra- eða söngnáms óskað. Byrjað verður að ganga frá stundatöflum mánudaginn 17. ágúst og þó við gerum alltaf okkar besta fyrir alla er erfiðara að lofa plássum eftir þá dagsetningu en fyrir hana.

Þeir sem þegar hafa gengið frá skráningu fá að sjálfsögðu forgang í pláss. Einstaka hljóðfærapláss eru að fyllast og við gætum því mögulega haft samband við einhverja í næstu viku til að spyrja um mögulegt varaval.