Auglýst er eftir leiðbeinanda til að sinna frístundanámskeiði á vegum sveitarfélagsins nú í sumar. Um er að ræða hálfs dags námskeið um fjögurra vikna skeið frá því að grunnskóla lýkur og þar til leikskóli fer í frí, námskeiðin verða aldursskipt en að öðru leiti er útfærslan samkomulagsatriði leiðbeinanda og tómstundafulltrúa með þarfir barnanna að leiðarljósi.

Áherslur námskeiðsins mótast eftir sérsviði leiðbeinanda en lagt er upp með að útivist, sköpun, hreyfing og heilbrigt líferni verði í forgrunni. Um er að ræða skipulagt og faglegt frístunastarf og kröfurnar taka mið af því.

Umsækjendur skulu:
Hafa náð 20 ára aldri
Vera með hreint sakavottorð
Hafa reynslu af starfi með börnum
Vera hugmyndaríkir og skapandi
Búa yfir mikilli samskiptahæfni
Vera sjálfstæðir í vinnubrögðum
Menntun sem tengist faglegu starfi með börnum er æskileg.

Umsóknir skulu berast á Skrifstofu Strandabyggðar eigi síðar en mánudaginn 2. júní eða á netfangið tomstundafulltrui@strandabyggd.is