Spennandi, skemmtileg og krefjandi störf eru auglýst í skólum á Hólmavík:

GRUNN- OG TÓNSKÓLINN
Tungumálakennari
100% staða tungumálakennara. Kennslugreinar danska og enska á mið- og unglingastigi með umsjón á unglingastigi.

Stuðningsfulltrúi
80% staða stuðningsfulltrúa á yngsta stigi.

Laun eru samkvæmt kjarasamningum LN og KÍ vegna kennarastöðu en samkvæmt kjarasamningum á almennum vinnumarkaði vegna starfs stuðningsfulltrúa. Ráðning til auglýstra starfa miðast við næsta haust og þurfa umsækjendur að hefja störf eigi síðar en 15. ágúst 2011.

Umsóknarfrestur um stöðurnar er til 8. ágúst 2011. Umsóknum skal skilað tl Grunnskólans á Hólmavík, Skólabraut 20, 510 Hólmavík.

Frekari upplýsingar veita Bjarni Ómar Haraldsson skólastjóri í síma 892 - 4666 og Hildur Guðjónsdóttir aðstoðarskólastjóri í síma 661 - 2010. Netfang: skolastjorar@holmavik.is og www.strandabyggd.is/grunnskolinn

LEIKSKÓLINN LÆKJARBREKKA
Nýtt starf
Leikskólinn Lækjarbrekka auglýsir nýtt starf matráðs og ræstitæknis. Um er að ræða 100% starf frá kl. 08:00 - 16:00.

Afleysingar
Auglýst er eftir starfsfólki í afleysingar á leikskólann Lækjarbrekku.

Leitað er eftir öflugu starfsfólki sem hefur gaman af börnum, býr yfir góðri samskiptahæfni og hefur ríka þjónustulund. Einnig er skipulagshæfni og jákvæðni mikilvægur kostur.

Nánari starfslýsingar er hægt að nálgast á skrifstofu leikskólastjóra eða í síma 451 3411. Einnig er hægt að senda tölvupóst á leikskólastjóra í netfangið: leikskolastjori@holmavik.is

Umsækjendur eru beðnir um að skila inn umsóknum á skrifstofu sveitarfélagsins að Höfðagötu 3, ásamt ferilskrá og meðmælendum fyrir kl. 12:00 föstudaginn 12. ágúst 2011. Þeir sem eiga eldri umsóknir um störf á leikskólanum Lækjarbrekku eru beðnir um að endurnýja umsóknir sínar. 

Skólastjórar áskilja sér rétt til að hafna öllum umsóknum standist þær ekki kröfur.