Nú fer fram könnun meðal íbúa landsins vegna rannsókna á þjónustusókn sem Maskína framkvæmir fyrir hönd Byggðastofnunar. Niðurstöður munu nýtast í vinnu við eflingu byggða um land allt.

Könnunin er liður í að skilgreina þjónustusvæði, greina hvort þjónustustig sé sambærilegt og fá mynd af viðhorfum íbúa mismunandi svæða til breytinga á þjónustu. Sérstaklega er mikilvægt að fá svörun úr dreifðum byggðum landsins svo unnt verði að vinna með niðurstöðurnar þannig að sem réttust mynd fáist einnig af þjónustusókn íbúa í fámennum byggðarlögum. Þar skiptir hvert svar miklu máli.

Í könnuninni er spurt um tíðni notkunar á þjónustu sem notuð er (síðustu 30 daga) og þjónustu sem notuð er sjaldnar (á ársgrundvelli). Spurt er hvert íbúar fara til að sækja þjónustu. Einnig er spurt um væntingar til breytinga á framboði þjónustu, hvaða þjónustu þarf helst að bæta við eða efla og hvaða þjónustumissir eða skerðing hefði helst áhrif á núverandi búsetu.

Könnunin er á íslensku, ensku og pólsku. Eins eru upplýsingarnar um könnunina á íslensku, ensku og pólsku. Sjá á heimasíðu Byggðastofnunar.

Áætlað er að það taki um 10 mínútur að svara. Smelltu á hlekkinn til að taka þátt: ÞJÓNUSTUKÖNNUN

It takes approximately 10 minutes to complete the survey .Click the link to participate: SERVICE SURVEY

Szacuje się, że udział w ankiecie zajmie około 10 minut.  Wejdź w link, aby wziąć udział: ANKIETA