Guðjón E. Ólafsson fræðslustjóri hefur sagt samningi sínum við Strandabyggð lausum frá og með 1. nóvember 2015. Guðjón heftur veitt sveitarfélaginu Strandabyggð og skólastofnunum þess stuðning og ráðgjöf í störfum sínum síðastliðið ár. Meðal verkefna hans má nefna undirbúning, vinnu og útgáfu Skólastefnu Strandabyggðar sem kom út við skólasetningu Grunn- og tónskóla Strandabyggðar nú í ágúst síðastliðnum. Jafnframt leiddi Guðjón þróunarverkefnið Ferðin með starfsmönnum Leikskólans Lækjarbrekku. Hvoru tveggja voru verkefni sem stóðu yfir í langan tíma en auk þess kom Guðjón að fjölda annarra verkefna fyrir sveitarfélagið. Um leið og við óskum Guðjóni velfarnaðar þá færum við Guðjóni þakkir fyrir vel unnin störf og góðan stuðning yfir samstarfstímann.