Fundur var haldinn í Atvinnu-, dreifbýlis- og hafnarnefnd Strandabyggðar þriðjudaginn 17. mars 2016, kl. 17:00, í Hnyðju að Höfðagötu 3, Hólmavík.

Mættir: Haraldur V. A. Jónsson, Guðrún Elínborg Þorvaldsdóttir, Bryndís Sveinsdóttir og Matthías Lýðsson sem varamaður í fjarveru Jóhanns L. Jónssonar. Sverrir Guðmundsson mætti ekki til fundar. Andrea K. Jónsdóttir ritaði fundargerð.

1. Fjárréttir – hvert verður framhaldið?
   
   Skoðaðar voru teikningar af Heiðarbæjarrétt í Þingvallasveit ásamt greinargerð og  magn- og kostnaðaráætlun. Ákveðið að Haraldur og Matthías aðlagi teikningar og gögn að okkar þörfum. Áætlað er að boða fund með bændum um miðjan apríl.
   
   
2. Fjallskil – yfirfara fjallskilaseðil og fyrirkomulag fjallskila
   
   Gerðar hafa verið leiðréttingar/breytingar fjallskilaseðli frá fyrra ári í samræmi við athugasemdir sem borist hafa. Ákveðið að gera drög að fjallskilaseðli fyrir 2016 og senda á bændur snemmsumars og kalla eftir athugasemdum, funda ef með þarf.
   
   
3. Svæðisskipulag Dalabyggðar, Reykhólahrepps og Strandabyggðar – kynning
   
   Verkefnið Svæðisskipulag Dalabyggðar, Reykhólahrepps og Strandabyggðar kynnt fyrir fundarmönnum og vefurinn www.samtakamattur.is kynntur en sá vefur inniheldur upplýsingar um verkefnið. Fundarmenn hvattir til að kynna sér verkefnið og vefinn vel.
   
   
4. Önnur mál
   
   Haraldur ber upp ljósleiðaramál. Búið er að leggja ljósleiðara frá Brú að Hólmavík en tengingar á heimili og fyrirtæki í dreifbýli er ekki komnar á. Atvinnu-, dreifbýlis- og hafnarnefnd samþykkir að undirbúa ályktun um málið og leggja fyrir næsta sveitarstjórnarfund.
   
   Andrea leggur fram drög að viðmiðunarreglum vegna snjómoksturs í Strandabyggð. Ákveðið að fullvinna uppkastið og leggja fyrir sveitarstjórn.
   
   Ekki eru fleiri mál.

Fundi slitið kl. 18.53.