Fundur var haldinn í Umhverfis- og skipulagsnefnd Strandabyggðar  miðvikudaginn 4. apríl  2018,  kl. 17:00 á skrifstofu sveitarfélagsins.

Fundinn sátu:  Jón Gísli Jónsson formaður,  Hafdís Sturlaugsdóttir, Ingimundur Jóhannsson, Már Ólafsson, Jóhann Björn Arngrímsson, Einar Indriðason slökkviliðsstjóri og Gísli Gunnlaugsson byggingarfulltrúi sem ritaði fundargerð.

Á dagskrá fundarins var eftirfarandi:

1. Steinshús
   Beiðni frá Sýslumanninum á Vestfjörðum um umsögn um umsókn Þórdunu ehf. kt. 570589-1059, um leyfi til að reka gististað í flokki II (gististaður án veitinga) í Steinshúsi að Nauteyri á Langadalsströnd.
   Umhverfis- og skipulagsnefnd gerir ekki athugasemd við veitingu rekstrarleyfis.
    
2. Fell
   Fyrirspurn frá Tjalling Willem Bos, eiganda jarðarinnar Fells, um hvort heimilt sé að hefja framkvæmdir við nýtt skógræktarsvæði á Felli eða hvort sækja þurfi um framkvæmdaleyfi.
   Afgreiðslu erindisins frestað. Óskað er eftir að umsækjandi leggi fram frekari upplýsingar um hugsanlegar fornminjar á fyrirhuguðu skógræktarsvæði.
   
   
3. Breytingar á aðalskipulagi
   Lagður fram uppdráttur vegna óverulegra breytinga á aðalskipulagi Strandabyggðar 2010 – 2022.  Breytingar eru í samræmi við bókanir umhverfis- og skipulagsnefndar á fundi þann 7. febrúar s.l. varðandi Hafnarbraut 17 og Fiskislóð 1.
   Í samræmi við bókanir umhverfis- og skipulagsnefndar á fundi sínum þann 7. febrúar s.l., liðir 3 og 5, leggur nefndin til við sveitarstjórn að samþykkja óveruleg breytingu á aðalskipulagi, samkvæmt 2. mgr. 36 greinar skipulagslaga, í samræmi við skipulagsuppdrátt dagsettum 15. mars 2018.
   Breytingarnar eru þær að annarsvegar er nýr reitur, verslunar- og þjónustu-svæði, skilgreindur fyrir lóðin að Hafnarbraut 17 og hinsvegar er nýr reitur, athafnasvæði, skilgreindur fyrir lóðina að Fiskislóð 1. 
    
4. Virkjun vindorku
   Lagt fram nýtt rit Landverndar, „Virkjun vindorku á Íslandi“.
   Kynnt.
    
5. Önnur mál
   a)      Borgabraut 37
   Fyrirspurn frá Þorkeli Jóhannssyni um hvort heimilt verði að snúa mænisstefnu frístundahúss sem þau hyggjast reisa á lóðinni þannig að hún verði þvert á þá mænisstefnu sem fram kemur á deiliskipulagi.
   Ingimundur Jóhannsson víkur af fundi við afgreiðslu þessa erindis.
   Umhverfis- og skipulagsnefnd getur ekki fallist á að mænisstefnu fyrirhugaðs húss verði breytt.
   
   b)     Flugstöð
   Umhverfis- og skipulagsnefnd leggur til að vegurinn að Flugstöðinni og sumarhúsum í Kálfanesi fá heitið Kálfanesbraut.  Flugstöðvarhúsið stendur þá við Kálfanesbraut 2.
   
   c)      Hreinsunarátak
   Rætt um nauðsyn þess að skipuleggja hreinsunarátak í sveitarfélaginu.  Ákveðið að ræða það frekar á næsta fundi.

Jón Gísli Jónsson

Hafdís Sturlaugsdóttir

Ingimundur Jóhannsson

Már Ólafsson

Jóhann Björn Arngrímsson

Einar Indriðason

Gísli Gunnlaugsson