Fundur var haldinn í Umhverfis- og skipulagsnefnd Strandabyggðar  miðvikudaginn          29. ágúst  2018,  kl. 17:00 á skrifstofu sveitarfélagsins.

Fundinn sátu:  Eiríkur Valdimarsson formaður,  Jón Jónsson, Hafdís Gunnarsdóttir, Ásta Þórisdóttir, Atli Már Atlason, Einar Indriðason slökkviliðsstjóri og Gísli Gunnlaugsson byggingarfulltrúi sem ritaði fundargerð.

 

 

Á dagskrá fundarins var eftirfarandi:

1.      Óveruleg breyting á aðalskipulagi

Lögð fram að nýju breytt tillaga að óverulegri breytingu á gildandi aðalskipulagi Strandabyggðar 2010 – 2022, varðandi lóðina við Fiskislóð 1.

 

Umhverfis- og skipulagsnefnd leggur til við sveitarstjórn að samþykkja  framlagða tillögu að óverulegri breytingu á Aðalskipulagi Strandabyggðar 2010-2022, vegna Fiskislóðar 1, með eftirtöldum viðbótum við greinargerð hennar að:

Bílar og bátar verði einungis geymdir innan lóðarinnar.

Bílar og bátar verði ekki geymdir við norð-vesturhlið hússins.

Númerslausir bílar verði ekki geymdir á lóðinni.

Breyting þessi á aðalskipulaginu gildir þar til endurskoðað Aðalskipulag Strandabyggðar tekur gildi.

 

Jón Jónsson greiðir atkvæði gegn tillögu að óverulegri breytingu á Aðalskipulagi Strandabyggðar vegna Fiskislóðar 1 og telur að bifreiðaverkstæði væri betur staðsett á skilgreindu athafnasvæði við Skeiði.

2.      Kópnesbraut 6

Erindi frá Ingimundi Pálssyni varðandi endurnýjun klæðningar utan á húsinu að Kópnesbraut 6 ásamt endurnýjun glugga.

 

Erindið samþykkt, byggingarfulltrúa falið að óska eftir upplýsingum um útlit nýrra glugga.

3.      Reglur fyrir gámasvæði

Farið yfir tillögu að nýjum reglum fyrir geymslu- og frystigáma í Strandabyggð.

 

Formanni nefndarinnar falið að vinna áfram að nýjum reglum og leggja fram tímanlega fyrir næsta fund.

4.      Upplýsingagjöf og leiðbeiningar á vef Strandabyggðar

Tillaga frá Jóni Jónssyni varðandi aukið vægi upplýsingagjafar og leiðbeininga um umhverfis- og skipulagsmál á vef Strandabyggðar.

 

Umhverfis- og skipulagsnefnd leggur til við sveitarstjórn að auka vægi  upplýsingagjafar og leiðbeininga um umhverfis- og skipulagsmál á vef sveitarfélagins í samræmi við greinargerð sem fylgdi tillögunni.

 

5.      Breytingar á götuheitum

Tillaga frá Jóni Jónssyni þar sem óskað er eftir að sveitarstjórn staðfesti formlega breytingar á götuheitum á Hólmavík frá árinu 2012.

 

Umhverfis- og skipulagsnefnd leggur til við sveitarstjórn að staðfesta formlega götuheitin Jakobínutún og Skjaldbökuslóð í opinberum skráningum.

 
6.      Verkefnalisti

Kynntur verkefnalisti byggingarfulltrúa og umhverfis- og skipulagsnefndar. 

 

Rætt um verkefnalistann.

7.      Önnur mál

a) Alheimshreinsunardagur.

Umhverfis- og skipulagsnefnd leggur til að Strandabyggð taki þátt í Alheimshreinsunardeginum sem haldinn verður þann 15. september n.k.

 

b) Vatnslögn

Rætt um vatnslögn sem liggur í landi Kálfaness að lóð Steypustöðvarinnar en nauðsynlegt er að aftengja lögnina við inntakið upp við vatnið.

 

c) Skipulagsdagur.

Kynnt bréf frá Skipulagsstofnun þar sem vakin er athygli á skipulagsdeginum sem haldinn er þann 20. September n.k.

 

 

 

 

Eiríkur Valdimarsson

Jón Jónsson

Hafdís Gunnarsdóttir

Ásta Þórisdóttir

Atli Már Atlason

Gísli Gunnlaugsson