Fundur verður haldin í fræðslunefnd miðvikudaginn 7. september kl. 17:00 í Hnyðju.

Eftirtaldir nefndarmenn eru boðaðir: Sigríður Guðbjörg Jónsdóttir, Sólrún Jónsdóttir, Egill Victorsson og Ingibjörg Benediktsdóttir. Ingibjörg Sigurðardóttir boðaði forföll og ekki tókst að fá varamann í hennar stað.

Fulltrúar leikskóla eru boðaðir kl 17:00: Aðalbjörg Sigurvaldadóttir, Steinunn Eysteinsdóttir fulltrúi foreldra og Berglind Maríusdóttir fulltrúi starfmanna.

Fulltrúar Grunn- og Tónskóla eru boðaðir kl 18:00: Hrafnhildur Guðbjörnsdóttir skólastjóri, Hrafnhildur Skúladóttir fulltrúi foreldra og fulltrúi starfsmanna, Hrafnhildur Þorsteinsdóttir.

Dagskrá er svohljóðandi:

1. Skóladagatal leikskólans Lækjarbrekku
   Engar verulegar breytingar hafa verið gerðar á skipulagi skóladagatals. Skóladagatal samþykkt samhljóða.
   
   
2. Nemenda- og starfsmannafjölda
   Stöðugildi við leikskólann eru 10 en það er fækkun um einn frá síðasta ári.
   Börn á yngri deild eru 12 og 18 á eldri deild.
   
   
3. Þörf fyrir sérkennslu og stuðning.
   Líklega þarf ekki að fjölga plássum hjá Tröppu talmeinafræðingum.
   Nýr sérkennslustjóri er Hjördís Inga Hjörleifsdóttir.
   
   
4. Önnur mál leikskólans Lækjarbrekku
   a). Vagnageymsla í leikskólanum.
   Nú er þröngt í fataklefa og mikilvægt að leysa það. Leikskólastjóri er nú þegar komin í samband við aðila og hugsanlega er hægt að leysa það á ódýran hátt.
   
   b). Starfsmannafundir
   Í vetur verða breytingar á fjölda starfsmannafunda. Áður voru þeir á sex vikna fresti en nú er það ósk leikskólastjóra að þeir verði á fjögurra vikna fresti í tvo tíma í senn.
   Fræðslunefnd samþykkir samhljóða.
   
   c). Leikskólastjóri óskar eftir því að samþykkt verði framhald á námskeiðaröð sem haldin hefur verið fyrir starfsfólk leikskólans til lok janúar en það er eitt skipti ásamt ráðgjöf.
   
   Sameiginleg málefni skólanna. Bára Karlsdóttir frá Café Riis kemur á fundinn ásamt fulltrúum Grunnskólans.
   
   
5. Úttekt á skólamötuneyti.
   Salóme Elín Ingólfsdóttir Næringarfræðingur gerði úttekt á mötuneyti skólana. Úttektin kom mjög vel út og það sem bent var á að brauðin og pasta þyrftu að vera grófari. Bára hefur nú þegar orðið við þessari athugasemd. Einnig koma fram að feitari fiskur ætti að vera oftar á boðstólum. Bára hefur sett feitan fisk á matseðil og það hefur gefið góða raun. Engin hvítur sykur er notaður í notaður í mötuneytinu og alltaf eru ávextir í boði.
   
   Lagt er til í úttektinni að börnin fái valdag í mötuneyti. Bekkirnir velji sér rétt á matseðli. Bára hefur orðið við þeirri tillögu og nú verður spennandi að sjá hvað krakkarnir velja sér.
   
   Niðurstaða fundarins er að mikilvægt sé að fá námskeið um hvernig á að elda fyrir börn með ofnæmi. Fræðslunefnd leggur til að fengin verði aðili með námskeið fyrir foreldra, starfsfólk og matráð.
   
   Fræðslunefnd fagnar því að úttektin hafi verið gerð og hversu vel mötuneyti okkar kemur út.
   
   Fulltrúar leikskólans yfirgefa fundinn.
   
   Málefni Grunnskólans.
   
   
6. Skólastarf vetrarins
   Skólastjóri fer yfir skóladagatal vetrarins. Mikið er um viðburði og heimsóknir sem ekki eru á skóladagatali en þeir viðburðir verða auglýstir jafn óðum.
   
   
7. Námsmat og samræmd próf
   7. bekkur byrjar í samræmdum prófum í september. Nokkrar breytingar hafa verið gerðar á framkvæmd prófana en prófin verða tekin á vefnum. Vegna slæms netsambands og búnaðar víða um landið verður gefið svigrúm til að aðlagast þessari nýjung. Tengingar í skólanum voru teknar í gegn í sumar til að verða við þessu og búnaður er í ágætis lagi. Stefnt er að því að taka prufu á næstunni.
   
   
8. Önnur mál Grunnskólans
   a) Systkinaafsláttur á mötuneyti
   Fræðslunefnd leggur til að skoða möguleika á systkinaafslætti í mötuneyti skólanna.
   
   b). Reglur fyrir Tónskólann.
    Skólastjóri fór yfir drög að reglum og farið var yfir ábendingar. Nýjar reglur verða birtar á vef skólans á næstu dögum.
   
   

Fleira ekki rætt og fundi slitið kl 19:02