Fundur er haldin í fræðslunefnd Fimmtudaginn 5. nóvember 2015 kl. 17:00 í Hnyðju

Eftirtaldir nefndarmenn eru mættir: Sigríður Guðbjörg Jónsdóttir, Sólrún Jónsdóttir, Egill Victorsson, Ingibjörg Benediktsdóttir og Ester Sigfúsdóttir kemur í stað Ingibjargar Sigurðardóttir sem boðaði forföll .

Fulltrúar Grunn- og Tónskóla koma til fundar kl 17:00: Hrafnhildur Guðbjörnsdóttir skólastjóri, Jóhanna Hreinsdóttir fulltrúi foreldra og fulltrúi starfsmanna, Hrafnhildur Þorsteinsdóttir.

Fulltrúar leikskóla koma til fundar kl 17:50: Alma Benjamínsdóttir leikskólastjóri, Hlíf Hrólfsdóttir fulltrúi starfsmanna og Steinunn Eysteinsdóttir fulltrúi foreldra.

Dagskrá er svohljóðandi:

Málefni Grunn- og tónskóla

1.  Þjóðarátak um læsi
   Hrafnhildur Guðbjörnsdóttir kynnir þjóðarátak um læsi og fer yfir stöðuna í grunnskólanum. Í átakinu er foreldrasamstarf mikilvægt. Áhersla er lögð á hlutverk allra í samfélaginu þar á meðal sveitastjórna.
    
2.  Skólastefna Strandabyggðar
   Mikilvægt er að minna reglulega á skólastefnuna og lesa hana yfir. Stefnt er að því að fara í vinnu þar sem markvisst er farið í stefnuna og unnið verði eftir henni. Ákveðið er að fræðslunefnd ásamt skólum munu fara yfir stefnuna hlutverk hennar.
    
3.  Framkvæmdir við Grunnskólann
   Fræðslunefnd vill minna á mikilvægi þess að haldið verði áfram við viðhald á húsnæði skólans.
   
   Fulltrúar Leikskólans Lækjarbrekku koma inn á fundinn kl 17:50
   
   
4. Sameiginlegt mál leik- og grunnskóla um þörf fyrir talmeinafræðing.
   - Samningur við talmeinafræðinga Tröppu. Gengið verður frá samningi 20. nóvember ef allt gengur að óskum. Fræðslunefnd fagnar því að samningur um sérfræðiþjónustu talmeinafræðings verði gerður.
   
   
5. Önnur sameiginleg mál:
   a). Fræðslunefnd leggur til að fengin verði nýr fræðslustjóri eins fljótt og auðið er. Jafnframt að skoða samstarf við nágrannasveitarfélög um fræðslustjóra.
   
   Fulltrúar Grunnskóla yfirgefa fundinn kl 18:00
   
   Málefni leikskóla:
   
   
6.  Skóladagatal, sumarlokun
   Sumarlokun var 15. júlí sem gengur ekki upp vegna grunnskóla og atvinnulífi og færist þá sumarlokun frá 6. júlí og opnað verður aftur 11. ágúst. Fræðslunefnd samþykkir þessa breytingu.
   
   
7. Starfsmannafundir
   Starfsmenn leikskólans hafa haft reglulega fundi einu sinni í mánuði í klukkutíma í senn. Það er ósk leikskólastjóra að halda fundi á 4-6 vikna fresti og hafa þá möguleika á lengri fundi eða allt að 2 klst. Fræðslunefnd leggur til að slíkt fyrirkomulag verði til reynslu og endurskoðað að vori 2016.
   
   
8. Staðardagskrá 21
   Í staðardagskrá 21 kemur fram að hvatt verði til aukinnar menntunar starfsmanna leikskólans. Til þess að koma til móts við starfsmenn þarf að breyta reglum um námsleyfi starfsmanna. Þar kemur fram að sækja þurfi um a.m.k. 3 mánuðum fyrir áætlaðan námstíma. Fræðslunefnd leggur til að sveitarstjórn breyti reglum um námsleyfi starfsmanna þannig að hægt sé að sækja um námsleyfi með fyrirvara um staðfestingu skólavistar.
   
   
9. Framkvæmdir við leikskólann Lækjarbrekku.
   Vegna tafa við teikningar og vinnu við Borgarbraut var ekki hægt að fara í framkvæmdir við stækkun leikskólans á þessu ári. Fræðslunefnd fór yfir teikningar nýju byggingarinnar og ræddum mikilvægi stækkunarinnar.