Fundargerð

 

Fundur var haldinn í fræðslunefnd fimmtudaginn 3. október kl. 17.00 í Hnyðju. Eftirtaldir nefndarmenn voru mættir: Sigríður Guðbjörg Jónsdóttir, Steinunn Þorsteinsdóttir, Guðfinna Lára Hávarðardóttir, Sigurður Marínó Þorvaldsson og Vignir Rúnar Vignisson. Fulltrúar grunnskólans, Hrafnhildur Guðbjörnsdóttir skólastjóri, Kolbrún Þorsteinsdóttir fulltrúi kennara og Björk Ingvarsdóttir fulltrúi foreldra mættu kl. 17.00

Fulltrúar leikskólans Lækjarbrekku mættu kl. 17:45 en það eru Ingibjörg Alma Benjamínsdóttir leikskólastjóri, Hjördís Inga Hjörleifsdóttir fyrir hönd starfsmanna og Anna Björg Þórarinsdóttir fyrir hönd foreldra.

 

Fulltrúi ungmennaráðs mætti ekki á fundinn.

 

Dagskrá er svohljóðandi

 

Málefni Grunnskólans

1. Sýn og stefna skólans

Einkunnarorð skólans eru virðing, seigla, stolt og gleði. Uppeldisstefnan er jákvæður agi sem á eftir að kynna betur fyrir foreldrum bæði í gegnum heimasíðuna og einnig á fundum.

Grunnþættir menntunar eru sjálfbærni, læsi, lýðræði og mannréttindi, heilbrigði og velferð, jafnrétti og sköpun.

 

2. Skólanámskrárgerð í vetur

 

Verið er að vinna í námsvísum í vetur. Stærðfræði til framtíðar er stórt verkefni sem allir stærðfræðikennarar skólans koma að. Verkefnastjóri þess verkefnis er ráðgjafi frá Tröppu. Skjalið er á heimasíðunni og er það lifandi skjal sem er stöðugt í þróun.

 

3, Niðurstöður lesferils kynntar

Skólastjóri kynnir niðurstöður lesferils. Nú í september 2019 er niðursveiflan sem algeng er eftir sumarfrí mun minni en 2018. Lestraráhugi hefur aukist og er markvisst unnið að því í skólanum. Í samanburði á landsvísu stendur skólinn vel en aðalatriðið er að öll börn taki framförum. 

 

4. Jafnréttisáætlun

Skólastjóri kynnir jafnréttisáætlun fyrir nefndinni sem er á heimasíðu skólans. Gildandi jafnréttisáætlun tók gildi 1. október 2019 og er næsta endurskoðun í október 2022.

 

Hjördís Inga Hjörleifsdóttir, Anna Björg Þórarinsdóttir og Ingibjörg Alma Benjamínsdóttir mæta kl. 17.45

 

Sameiginleg mál leik-grunn- og tónskólans

5. Sérkennslumál

 

Skólastjóri kynnir nemendaverndarráð fyrir nefndarfólki. Starfsmenn í sérkennsluhóp skólanna eru byrjaðir að hittast og styðja hvern annan í verkefnum sínum þvert á skólastig. Teymið er öflugt með víðtæka þekkingu.

 

6. Fjárhagsáætlun

 

Byrjað er að taka saman hugmyndir í grunnskólanum frá nemendum og starfsfólki sem skólastjóri vinnur svo úr í framhaldinu. Nemendurnir voru áhugasamir um ferlið við fjárhagsáætlanagerð og er þetta eitt af hagnýtum verkefnum sem hægt að vinna með þeim.

 

Í nýja hluta leikskólans er gert ráð fyrir því að hægt sé að skipta rýminu tvennt með færanlegum vegg. Uppsetningu hans er ekki lokið sem veldur því að ekki er hægt að nýta rýmið jafn vel og annars.

 

Fulltrúar grunnskólans víkja af fundi kl. 18.05

Málefni Leikskólans

7. Skólanámskrá til kynningar

 

Leikskólastjóri kynnir skólanámskrána.

 

8. Brunavarnaráætlun

Leikskólastjóri kynnir rýmingaráætlunina. Rætt um Securitas brunavarnarkerfið sem Strandabyggð er með í hluta stofnanna sinna. Það hefur komið í veg fyrir eldsvoða.

 

9. Jafnréttisáætlun

Leikskólastjóri kynnir jafnréttisáætlun leikskólans. Áætlunin var uppfærð í september 2019.  

  

Önnur mál

10 Rætt var um öryggismál. Fræðslunefnd telur þörf á vegriði á Borgabraut ofan við leikskólalóðina.

 

11. Rætt um ljósleiðara í leikskólann. Starfsmenn telja núverandi net tefja fyrir starfi og þjónustu við börnin en t.d. nýta börnin sér þjónustu talmeinafræðings í gegnum netið. Fræðslunefnd telur mikilvægt að ljósleiðari verður lagður í leikskólann sem fyrst.

 

Fulltrúar leikskólans víkja af fundi kl. 18.40

Nefndarmenn:

12. Minnisblað verkefnahóps vegna sameiningar leik og grunnskólans – Trúnaðarmál

 

Málið tekið fyrir og rætt.

 

Fundi slitið kl. 19.10