Fundargerð

Fundur var haldinn í fræðslunefnd fimmtudaginn 4. febrúar kl. 17.00 í Hnyðju. Eftirtaldir nefndarmenn mættu: Sigríður Guðbjörg Jónsdóttir, Guðfinna Lára Hávarðardóttir, Vignir Rúnar Vignisson og Sólrún Jónsdóttir.

Fulltrúar skólans eru eru mættu kl. 17:00 en það eru Hrafnhildur Guðbjörnsdóttir skólastjóri, Esther Ösp Valdimarsdóttir mætti fyrir hönd foreldra leikskóladeildar.

 

Fulltrúi ungmennaráðs Unnur Erna Viðarsdóttir boðaði forföll á fundinn.

 

Dagskrá

1.Dreifnám – Unnur Ólafsdóttir kynnir

Í dreifnáminu eru núna 3 nemendur en fjöldinn hefur verið meiri og hafa sumir nemendur klárað allt sitt nám hér. Tæknimál eru í góðu lagi en huga þarf að endurnýjun ef nemendum fjölgar. Dreifnámið er mikið öryggisnet fyrir nemendur sem vilja fikra sig rólega áfram í lífinu og geta þá komið til baka í dreifnám ef vilji er til.

 

Rætt um flutning dreifnáms úr núverandi húsnæði en því verður skilað í júní. Rætt um möguleika í stöðunni og vill nefndin beina því til Ungmennaráðs að koma með tillögur varðandi nýja staðsetningu í húsakynnum sveitarfélagsins og framtíðarmöguleika dreifnáms.

 

Fræðslunefnd leggur til að sveitarstjórn leiti samstarfs við önnur sveitarfélög um dreifnámið til að efla bæði námið og félagslífið.

2. Starfsmannastefna skólans

Starfsmannastefnur á eftir að sameina í eina stefnu fyrir sameinaðan skóla og byggja á starfsmannastefnu Strandabyggðar.

 

Áætlað er að halda skólaþing í mars 2021 og verður þá hægt að taka fyrir sýn og stefnu skólans. Einnig þarf að velja nafn á skólann og leggur nefndin til að sveitarstjórn endurveki nafnasamkeppnina um nafn á skólann og óski eftir fleiri tillögum.

 

3. Umbótaáætlun í kjölfar ytra mats 2020

Áætluninni var skilað inn til Menntamálastofnunar í janúar 2021 sem er búin að samþykkja áætlunina. Áætlunin er aðgengileg á heimasíðu Strandabyggðar. Lögð fram til kynningar.

 

 4. Skóladagatal vorönn 2021 – breytingar vegna samkomutakmarkana

Vegna Covid-19 hefur þurft að færa til viðburði. Ferðir hafa fallið niður en unnið er að því að finna nýjar tímasetningar. Þemadögum seinkar fram í mars. Galdraskóli Strandagaldurs er kominn á dagskrá í maí. Starfskynningar frestast en reynt verður að bjóða upp á starfskynningar a.m.k. í heimabyggð á skólaárinu.

 

5. Skólanámskrá Tónskólans – Bragi Þór Valsson kynnir

Bragi fer yfir þau atriði sem þurfa að koma fram í skólanámskrá tónskóla. Skólanámskráin lögð fram til kynningar.

 

6. Gjaldskrá Strandabyggðar frá 1.1.2021

Rætt um gjaldskrá skólans. Fræðslunefnd leggur til að sveitarstjórn hætti að rukka hafragraut. Hún ítrekar nauðsyn þess að hagræða í innkaupum eins og hægt er til að draga úr kostnaði.

 

7. Sterkar Strandir – framtíðarsýn og markmið

Nefndin fagnar útgáfu á framtíðarsýn og markmiðum Sterkra Stranda.

Nefndin leggur til að skólinn og sveitarfélagið styðji við verkefnið með því að ýta þeim markmiðum sem að þeim snúa áfram. Þau verkefni sem snúa að fræðslumálum eru:

 

1.2 e) Fjölga íslenskunámskeiðum

1.9     Kortleggja nýsköpunarmöguleika í menntun

2.8 b) Kortlagning menntunar og hæfni íbúa

2.8 d) Efla iðnám

3.18   Að kynna öflugt menntastarf í Strandabyggð

 

 

Fundargerð lesin yfir. Fundi slitið kl. 19.21