Fundur var haldinn í fræðslunefnd fimmtudaginn 3. febrúar kl. 17.00 í Hnyðju. Eftirtaldir nefndarmenn mættu: Sigríður Guðbjörg Jónsdóttir, Steinunn Þorsteinsdóttir, Guðfinna Lára Hávarðardóttir, Vignir Rúnar Vignisson og Sigurður Marínó Þorvaldsson.
Fulltrúar skólans mættu kl. 17.00 en það eru Hrafnhildur Guðbjörnsdóttir skólastjóri, Vala Friðriksdóttir fulltrúi kennara grunn- og tónskóladeildar, Heiðrún Harðardóttir sem fulltrúi foreldra grunn,- tón,- og leikskóla.
Fulltrúi ungmennaráðs Jóhanna Rannveig Jánsdóttir mætti einnig kl. 17.00.

Dagskrá

1. Dreifnám – Atli Már Atlason kynnir

Rætt um mikilvægi dreifnámsins fyrir samfélagið í heild sinni.

Fræðslunefnd leggur áherslu á að nemendur fái gott aðhald í skólanum og þörfum nemenda sé mætt eftir fremsta megni t.d. varðandi staðarlotur og skyldumætingar.

Nefndin leggur einnig til að möguleikar á fjölbreyttu námi verði kynntir betur fyrir íbúum á öllum aldri bæði í Strandabyggð og nágrannasveitarfélögum.

Nefndin leggur til að sveitarstjórn ýti þessum atriðum í framkvæmd.
Atli Már yfirgefur fundinn.

2. Starfsmannastefna og árleg starfsmannasamtöl

Nefndin fer yfir stefnuna sem er frá apríl 2021 en hún er yfirfarin a.m.k. árlega. Verið er að útbúa kannanir fyrir starfsfólk, nemendur og foreldra um skólastarfið og verða niðurstöður þeirra birtar þegar þær hafa verið teknar saman. Starfsmannasamtöl verða svo í framhaldinu í febrúar og mars.

3. Skólanámskrá tónskólans - Bragi Þór Valsson kynnir

Bragi fer yfir námskrána í fjarfundi og svarar spurningum nefndarmanna.
Námskráin lögð fram til kynningar.

Fleira ekki gert. Fundi slitið kl. 18.53

Guðfinna Lára Hávarðardóttir
Sigríður Jónsdóttir
Steinunn Þorsteinsdóttir
Sigurður Marinó Þorvaldsson
Vignir Rúnar Vignisson