Fundur nr.  1234 í sveitarstjórn Strandabyggðar var haldinn þriðjudaginn 19. maí 2015 í Hnyðju, Höfðagötu 3. Fundurinn hófst kl. 16:00. Jón Gísli Jónsson (J) bauð fundarmenn velkomna og setti fundinn. Auk Jóns Gísla sátu fundinn Ásta Þórisdóttir (J), Haraldur V. A. Jónsson (F), Ingibjörg Benediktsdóttir (E) og Ingibjörg Emilsdóttir (J).  Andrea Kristín Jónsdóttir sveitarstjóri ritaði fundargerð. 

Fundardagskrá er svohljóðandi:

1. Ársreikningur Strandabyggðar fyrir árið 2014 – fyrri umræða
2. Skýrsla Alta - niðurstaða samráðsfundar sem haldinn var í Tjarnarlundi 31/3/2015 lögð fram til kynningar
3. Erindi frá Fræðslumiðstöð Vestfjarða – umsókn um styrk, dagsett 12/05/2015
4. Fundargerð Tómstunda-, íþrótta- og menningarnefndar frá 04/05/2015
5. Fundargerð Ungmennaráðs Strandabyggðar frá 21/04/2015
6. Fundargerð Umhverfis- og skipulagsnefndar frá 13/05/2015
7. Fundargerð Velferðarnefndar frá 28/04/2015

Þá var gengið til dagskrár.

1. Ársreikningur Strandabyggðar fyrir árið 2014 – fyrri umræða
   
   Salbjörg Engilbertsdóttir og Kristján Jónasson koma til fundar.
   
   Kristján Jónasson frá KPMG og endurskoðandi sveitarfélagsins fór yfir ársreikning 2014 ásamt skýringum með honum og svaraði spurningum sveitarstjórnarmanna. Ársreikningi fyrir árið 2014 er vísað til síðari umræðu.
   
   Salbjörg og Kristján viku af fundi kl. 18:15
   Haraldur vék tímabundið af fundi kl. 18:15
2. Skýrsla Alta - niðurstaða samráðsfundar sem haldinn var í Tjarnarlundi 31/3/2015 lögð fram til kynningar
   
   Haraldur mætir aftur til fundar.
   
   Skýrsla Alta lögð fram til kynningar. Vilji er til að hitta fulltrúa Reykhólahrepps og Dalabyggðar til að ræða um niðurstöðu skýrslu Alta.
3. Erindi frá Fræðslumiðstöð Vestfjarða – umsókn um styrk, dagsett 12/05/2015
   
   Sveitarstjórn Strandabyggðar samþykkir að veita 50.000 kr til niðurgreiðslu námskeiðs um moltugerð.
4. Fundargerð Tómstunda-, íþrótta- og menningarnefndar frá 04/05/2015
   
   Varðandi lið 2a. þá er skýrsla vinnuhóps um samfelldan dag í höndum skólastjóra grunnskólans og fræðslustjóra sem taka munu ákvörðun um framhaldið.
   
   Varðandi lið 2b. Þá er stungið upp á 27. maí sem nýrri dagsetningu á fjarfundi með UNICEF varðandi innleiðingu á Barnasáttmála Sameinuðu þjóðanna.
   
   Varðandi lið 3 samþykkir sveitarstjórn að ræða breytingu á reglum um skipan í ungmennaráð á sameiginlegum fundi ungmennaráðs og sveitarstjórnar.
   
   Að öðru leiti er fundargerð Tómstunda- íþrótta- og menningarnefndar samþykkt
5. Fundargerð Ungmennaráðs Strandabyggðar frá 21/04/2015
   
   Varðandi lið 1. þá stingur sveitarstjórn uppá 2. júní sem dagsetningu fyrir sameiginlegan fund Ungmennaráðs og sveitarstjórnar.
   
   Varðandi lið 8. Þá stingur sveitarstjórn uppá því að liðurinn verði ræddur í heild sinni við Ungmennaráð á sameiginlegum fundi Ungmennaráðs og sveitarstjórnar 2. júní nk.
   
   Að öðru leiti samþykkir sveitarstjórn fundargerð Ungmennaráðs Strandabyggðar.
6. Fundargerð Umhverfis- og skipulagsnefndar frá 13/05/2015
   
   Sveitarstjórn frestar liðum 1 og 2 til síðari afgreiðslu.
   
   Sveitarstjórn samþykkir fundargerð Umhverfis- og skipulagsnefndar að öðru leiti.
7. Fundargerð Velferðarnefndar frá 28/04/2015
   
   Sveitarstjórn samþykkir fundargerð Velferðarnefndar.

Fundargerð yfirfarin og undirrituð og fundi slitið kl. 19:35

Ásta Þórisdóttir

Haraldur V. A. Jónsson

Ingibjörg Benediktsdóttir

Ingibjörg Emilsdóttir

Jón Gísli Jónsson