Fundur nr.  1253 í sveitarstjórn Strandabyggðar var haldinn þriðjudaginn 11. október 2016 í Hnyðju, Höfðagötu 3. Fundurinn hófst kl. 16:00. Jón Gísli Jónsson (J) bauð fundarmenn velkomna og setti fundinn. Auk Jóns Gísla sátu fundinn  Ásta Þórisdóttir (J) , Ingibjörg Emilsdóttir(J),  Ingibjörg Benediktsdóttir (E) og Haraldur V. A. Jónsson (F). Andrea K. Jónsdóttir sveitarstjóri  ritaði fundargerð. 

Jón Gísli Jónsson boðaði afbrigði við fundardagskrá og óskar eftir því að erindi frá Hveraorku frá sveitarstjórnarfundi 1248 verði tekið inn á dagskrá fundarins undir lið 7 í dagskrá. Undir lið 8 verði tekið fyrir bréf frá Ingibjörgu Birnu sveitarstjóra í Reykhólahreppi varðandi ósk um fund vegna sameiginlegra málefna og undir lið 9 verði tekið fyrir erindi frá Sýslumanninum á Vestfjörðum varðandi samstarfs sýslumanns og sveitarfélaga varðandi utankjörstaðaratvæðagreiðslu.

Fundardagskrá er því svohljóðandi:

1. Bréf frá Innanríkisráðuneyti; Form og efni viðauka við fjárhagsáætlun, dagsett 3/10/2016
2. Erindi frá Aldísi Rögnvaldsdóttur vegna bátasölu, óskað eftir staðfestingu frá sveitarstjórn um að fallið sé frá forkaupsrétti, dagsett 6/10/2016
3. Mánaðaskýrsla forstöðumanna og sveitarstjóra frá september 2016
4. Fundargerð Umhverfis- og skipulagsnefndar frá 10/10/2016
5. Fundargerð Fræðslunefndar frá 10/10/2106
6. Fundargerð Tómstunda-, íþrótta- og menningarnefndar frá 10/10/2016
7. Erindi frá Hveraorku sem lagt var fyrir sveitarstjórnarfund 1248 17/5/2016
8. Bréf frá sveitarstjóra Reykhólahrepps varðandi fund um sameiginleg málefni, dagsett 10/10/2016
9. Erindi frá Sýslumanninum á Vestfjörðum varðandi samstarf sýslumanns og sveitarfélaga vegna komandi kosninga, dagsett 8/10/2016

Þá var gengið til dagskrár.

1. Bréf frá Innanríkisráðuneyti; Form og efni viðauka við fjárhagsáætlun, dagsett 3/10/2016
   
   Lagt fram til kynningar.
2. Erindi frá Aldísi Rögnvaldsdóttur vegna bátasölu, óskað eftir staðfestingu frá sveitarstjórn um að fallið sé frá forkaupsrétti, dagsett 6/10/2016
   
   Sveitarstjórn Strandabyggðar gerir ekki kröfu um að nýta forkaupsrétt sinn.
3. Mánaðaskýrsla forstöðumanna og sveitarstjóra frá september 2016

Lagt fram til kynningar.

1. Fundargerð Umhverfis- og skipulagsnefndar frá 10/10/2016
   
   Fundargerð Umhverfis- og  Skipulagsnefndar  lögð fram til samþykktar og samþykkt samhljóða.
2. Fundargerð Fræðslunefndar frá 10/10/2106
   
   Fundargerð Fræðslunefndar lögð fram til samþykktar og samþykkt samhljóða.
3. Fundargerð Tómstunda-, íþrótta- og menningarnefndar frá 10/10/2016
   
   Fundargerð Tómstunda-, íþrótta- og menningarnefndar lögð fram til samþykktar. Varðandi lið 1b þá er honum vísað til fjárhagsáætlunar. Fundargerð samþykkt samhljóða.
4. Erindi frá Hveraorku sem lagt var fyrir sveitarstjórnarfund 1248 17/5/2016
   
   Sveitarstjórn hafnar erindi Hveraorku. Sveitarfélagið mun óska eftir því við Atvinnuþróunarfélag Vestfjarða að kanna kostnað og möguleika við hitaveituframkvæmdir í Strandabyggð.
5. Bréf frá sveitarstjóra Reykhólahrepps varðandi fund um sameiginleg málefni, dagsett 10/10/2016
   
   Sveitarstjórn Strandabyggðar tekur heilshugar undir óskir sveitarstjórnar Reykhólahrepps og leggur til að fundað verði hið fyrsta.
6. Erindi frá Sýslumanninum á Vestfjörðum varðandi samstarf sýslumanns og sveitarfélaga vegna komandi kosninga, dagsett 8/10/2016
   
   Erindi lagt fram til kynningar.

Fundargerð yfirfarin og undirrituð og fundi slitið kl. 17.57

Ásta Þórisdóttir

Haraldur V.A. Jónsson

Ingibjörg Benediktsdóttir

Ingibjörg Emilsdóttir

Jón Gísli Jónsson