Fundur nr.  1254 í sveitarstjórn Strandabyggðar var haldinn þriðjudaginn 8. nóvember 2016 í Hnyðju, Höfðagötu 3. Fundurinn hófst kl. 16:00. Jón Gísli Jónsson (J) bauð fundarmenn velkomna og setti fundinn. Auk Jóns Gísla sátu fundinn  Ásta Þórisdóttir (J) , Ingibjörg Emilsdóttir(J),  Ingibjörg Benediktsdóttir (E) og Haraldur V. A. Jónsson (F). Andrea K. Jónsdóttir sveitarstjóri  ritaði fundargerð. 

Jón Gísli Jónsson boðaði afbrigði við fundardagskrá og óskar eftir því að liður númer 9 í dagskrá falli niður þar sem fundur fór ekki fram. Jafnframt óskar Jón Gísli eftir því að undir lið númer 9 verði Samstarfs- og þjónustusamningar Byggðasamlags Vestfjarða um málefni fatlaðs fólks lagðir fyrir sveitarstjórn til samþykktar. Samþykkt samhljóða.

Fundardagskrá er því svohljóðandi:  

1. Fjárhagsáætlun Strandabyggðar fyrir árið 2017 lögð fram til fyrri umræðu
2. Þriggja ára áætlun Strandabyggðar fyrir árin 2018 – 2020 lögð fram til fyrri umræðu
3. Bréf frá Atvinnuvega- og nýsköpunarráðuneyti: Umsókn um byggðakvóta fiskveiðiársins 2016 - 2017, dagsett 31/10/2016
4. Afgreiðsla styrkumsókna í samræmi við reglur um styrkveitingar utan styrktarsamninga
5. Fundargerð stjórnarfundar Fjórðungssambands Vestfirðinga frá 11/10/2016
6. Fundargerð aðalfundar Samtaka sveitarfélaga á köldum svæðum frá 23/09/2016
7. Fundargerð stjórnar Hafnarsambads Íslands frá 12/10/2016
8. Skýrsla forstöðumanna og sveitarstjóra fyrir októbermánuð
9. 9.       Fundargerð Tómstunda-, íþrótta- og menningarnefndar frá 7/11/2016  Þess í stað komi:
   Samstarfs- og þjónustusamningar Byggðasamlags Vestfjarða um málefni fatlaðs fólks lagðir fyrir sveitarstjórn til samþykktar

Þá var gengið til dagskrár. 

1. Fjárhagsáætlun Strandabyggðar fyrir árið 2017 lögð fram til fyrri umræðu
   Fjárhagsáætlun Strandabyggðar fyrir árið 2017 vísað til síðari umræðu.
   
   
2. Þriggja ára áætlun Strandabyggðar fyrir árin 2018 – 2020 lögð fram til fyrri umræðu
   Þriggja ára áætlun Strandabyggðar fyrir árin 2018 – 2020 vísað til síðari umræðu
   
   
3. Bréf frá Atvinnuvega- og nýsköpunarráðuneyti: Umsókn um byggðakvóta fiskveiðiársins 2016 - 2017, dagsett 31/10/2016
   Ingibjörg Benediktsdóttir víkur af fundi.
   
   Sveitarstjórn Strandabyggðar óskar eftir að viðbótarreglur verði settar vegna úthlutunar byggðakvóta fiskveiðiárið 2015/2016.
   
   Sveitarstjórn Strandabyggðar leggur til eftirfarandi breytingu á 4. grein reglugerðar 641/2016:
   
   - 25% úthlutaðs byggðakvóta verði skipt jafnt á milli fiskiskipa
   - 75% úthlutaðs byggðakvóta verði skipt eftir lönduðum afla síðasta fiskveiðiárs, 2015/2016
   
   Sveitarstjórn Strandabyggðar leggur til eftirfarandi breytingar á 6. grein reglugerðar 641/2016:
   
   - Vinnsluskylda samkvæmt 6. gr. reglugerðar nr. 641/2016 verði felld  niður.
   
   Ingibjörg Benediktsdóttir tekur sæti sitt á ný.
   
   
4. Afgreiðsla styrkumsókna í samræmi við reglur um styrkveitingar utan styrktarsamninga
   Sveitarstjórn samþykkir fyrirliggjandi styrkbeiðnir frá Kvennakórnum Norðurljósum annarsvegar og hinsvegar Esther Ösp Valdimarsdóttur vegna sýningarinnar Sumardvöl í sveit.
   
   
5. Fundargerð stjórnarfundar Fjórðungssambands Vestfirðinga frá 11/10/2016
   Fundargerð lögð fram til kynningar.
   
   
6. Fundargerð aðalfundar Samtaka sveitarfélaga á köldum svæðum frá 23/09/2016
   Fundargerð lögð fram til kynningar.
7. Fundargerð stjórnar Hafnarsambands Íslands frá 12/10/2016
   Fundargerð lögð fram til kynningar.
   
   
8. Skýrsla forstöðumanna og sveitarstjóra fyrir októbermánuð
   Skýrsla lögð fram til kynningar.
   
   
9. Samstarfs- og þjónustusamningar Byggðasamlags Vestfjarða um málefni fatlaðs fólks lagðir fyrir sveitarstjórn til samþykktar.
   Sveitarstjórn frestar afgreiðslu erindisins.

Fundargerð yfirfarin og undirrituð og fundi slitið kl. 16.58

Ásta Þórisdóttir

Haraldur V.A. Jónsson

Ingibjörg Benediktsdóttir

Ingibjörg Emilsdóttir

Jón Gísli Jónsson