Atvinnu- dreifbýlis- og hafnarnefnd

Fundur fimmtudaginn 6.6.2024 kl 16-17, að Hafnarbraut 25, kaffistofu.

Fundardagskrá er svohljóðandi:

1. Drög að fjallskilaseðli, 2024
2. Mannabreytingar
3. Önnur mál.

Mætt voru: Jón Sigmundsson, Óskar Hafsteinn Halldórsson, Marta Sigvaldadóttir í fjarveru Henrike Stuheff, Björk Ingvarsdóttir og Gunnar Númi Hjartarson í fjarveru Þórðar Halldórssonar.  Þorgeir Pálsson, sveitarstjóri, sat einnig fundinn.  Fundur settur kl. 16:00.  Formaður kannaði lögmæti fundarins. Engar athugasemdir við fundarboðun.  Nokkuð var um forföll og eru því tveir varamenn á fundinum. 

Umræða.

1. Drög að fjallskilaseðli, 2024

Formaður gaf Þorgeiri orðið og bað hann jafnframt að rita fundargerð.  Þorgeir fór yfir gögn frá Matvælaráðuneytinu sem bárust 29.5. sl.  Í þeim gögnum virðist vanta tölur um fjáreign á Laugaholti, Skjaldfönn og Broddanesi 3.  Fundarmenn tilgreindu fé á Skjaldfönn þannig að þarna er hugsanlega um villu að ræða í gögnum ráðuneytisins. Var Þorgeiri falið að kanna þetta og skoða frumheimildir.  Að öðru leyti fóru fundarmenn yfir fjallskila-seðilinn og gerðu breytingar á dagsetningum.  Verður fjallskilaseðillinn síðan sendur bændum til umsagnar

2. Mannabreytingar

Formaður tilkynnti að hann væri að láta af störfum í sveitarfélaginu og að við nefndinni tæki Óskar Hafsteinn Halldórsson. Nefndarmenn þakka fráfarandi formanni fyrir gott samstarf og óska honum velfarnaðar í framtíðinni.

3. Önnur mál.

Rætt um uppbyggingu á Nauteyri.  Formaður bað Þorgeir að fara yfir stöðu einstakra mála.  Þorgeir sagði frá stöðunni varðandi hótelbyggingu, vinnu Strandanefndar ofl. Nefndin fagnar uppbyggingu fiskvinnslu á Hólmavík.  Fram kom gagnrýni á það að nefndin hefur ekki fundað lengi.

Fleira ekki gert.  Fundi slitið kl 17:00, fundargerð send til rafrænnar undirskriftar.

Strandabyggð 6.6.2024, Þorgeir Pálsson ritari / Jón Sigmundsson, formaður ADH nefndar.