Fundur var haldinn í Menningarmálanefnd, mánudaginn 19. maí 2008, á skrifstofu sveitarfélagsins og hófst hann klukkan 17:00. Mætt voru: Arnar S. Jónsson formaður, Rúna Stína Ásgrímsdóttir, Jón Halldórsson, Kristín Sigurrós Einarsdóttir og Jóhanna Ása Einarsdóttir. Kristín Sigurrós Einarsdóttir ritaði fundargerð. Formaður setti fundinn og gengið var til dagskrár.

1. Norrænt vinabæjarmót í Hole í ágúst 2008.
2. Skiltamál
3. Menningar- og þjónustukort
4. Hamingjudagar 2008

1. Norrænt vinabæjarmót í Hole í ágúst 2008.
Menningarmálanefnd leggur til að Strandabyggð sendi 3-4 fulltrúa á vinabæjarmótið og auglýst verði hið fyrsta eftir ferðafúsum fulltrúum og þeim gefinn kostur á að sækja um.

2. Skiltamál
Ekkert nýtt er að frétta af skiltamálinu síðan á síðasta fundi. Enn er stefnt að því að bjóða þetta verkefni út.

3. Menningar- og þjónustukort
Arnar og Rúna Stína sendu inn umsóknir í ýmsa sjóði vegna málsins og fengist hafa tveir styrkir, 250 þúsund úr Umhverfissjóði Ferðamálastofu og 400 þúsund úr Pokasjóði. Í umsóknunum kom fram að þetta yrði unnið í samstarfi við Arnkötlu og eru þau samtök tilbúin að koma að málinu. Einnig hefur komið fram hugmynd frá sveitarstjóra um að tengja þetta vinnu við endurnýjun á skilti við innkomu í bæinn.

4. Hamingudagar 2008
Brynja Bjarnfjörð kom á fundinn. Lagði fram minnisblað með stöðunni eins og hún var sl. föstudag og fór yfir það.
     a. Auk listamanna sem taldir eru þar upp er hugmyndin að fá atriði í svipuðum dúr og verið hafa frá heimamönnum. S.s. söngkeppni barna.
     b. Brynja hefur fengið heilmikið af myndum en mikil vinna gæti verið að vinna úr þeim og setja upp til sýningar. Hugmyndin er sú að setja þær frekar "hrátt" upp og hafa einhverjar þeirra á stöðum sem þær tengjast, t.d. í Ráðaleysi.
     c. Hljómsveitin Veðurguðirnir hefur verið bókuð fyrir 330 þúsund.
     d. Rætt var um aldurstakmark og Brynja mun athuga með stöðuna í viðræðum milli sveitarstjóra og lögregluyfirvalda Vestfjarða.
     e. Einnig var rætt um mikilvægi þess að bjóða upp á friðsamara tjaldsvæði og beina fólki markvisst á það. Huga þarf sem fyrst að aðstöðu, t.d. ofan við flugvöllinn.
     f. Varðandi merktan varning eru hugmyndir um að hvíla seglana og taka upp póstkort í staðinn. Umræður um að halda áfram með svarta og hvíta boli. Einnig mætti láta gera buff eða derhúfur.
     g. Brynja hefur sent styrkbeiðnir til að verðlauna bestu hnallþórurnar.
     h. Hamingjulagið: fjögur lög bárust í keppnina. Keppnin verður haldin í félagsheimilinu á miðvikudaginn. Skrifstofan ætlar að auglýsa hana.
     i. Áhugi fyrir að hafa varðeld, sem féll niður í fyrra, við Kópnes eða minnismerkið.

Fleira ekki gert, fundi slitið kl. 19:10.

Kristín Sigurrós Einarsdóttir (sign)   
Jón Halldórsson (sign)
Jóhanna Ása Einarsdóttir (sign)        
Arnar Snæberg Jónsson (sign)
Rúna Stína Ásgrímsdóttir (sign)       
Brynja Bjarnfjörð (sign)