Fundur var haldinn í Menningarmálanefnd Strandabyggðar þann 4. október og hófst hann kl. 14.00 á skrifstofu sveitarfélagsins. Mættir eru Salbjörg Engilbertsdóttir, Lýður Jónsson, Ester Sigfúsdóttir, Steina Þorsteinsdóttir og Rúna Stína Ásgrímsdóttir.

 

Dagskrá fundarins:

 

1. Erindi frá Þjóðfræðisstofu varðandi lista og fræðimannaíbúð.

2. Vinabæjarheimsókn 2010 og vinabæjarheimsókn.

3. Önnur mál

 

1. Erindi frá Þjóðfræðisstofu varðandi lista og fræðimannaíbúð.

Kynning Þjóðfræðistofu á verkefni sem heitir Skelin, listamannnaíbúð í Hólmakaffi. Margt var spurt og spekúlerað. Nefndinni líst vel á hugmyndina og hvetur sveitastjórn að líta jákvætt á erindið og margfeldisáhrifin sem svona starfsemi gæti haft.

 

Katla og Kristinn kynntu áform um rekstur. Sveitarfélagið kæmi þá að með fjármagn, 50 þús. kr. á mánuði, en Þjóðfræðistofa sæi um allan rekstur og umsýslu. Þar skapast þá líka svigrúm til annara viðburða í húsinu. Um er að ræða tilraunaverkefni, 1. nóv - 1. maí 2011.

 

2. Vinabæjarheimsókn 2010 og vinabæjarsamstarf.

Salbjörg lagði fram greinargerð um vinabæjarheimsókn til Hole í september sl. Þar kemur m.a. fram að búið er að opna nk. heimasíðu um þetta samstarf og heitir hún Norden og er á Facebook samskiptasíðunni. Einnig að vilji sé til áframhaldandi samstarfs, milli þessara sveitarfélaga og norrænu félaga sem sum staðar hafa tekið samskiptin yfir.

 

Hópurinn lætur vel af ferðinni og Norðmenn voru höfðingjar heim að sækja.

 

3. Önnur mál

a) Salbjörg sagði frá því að stofnaður hefur verið barnakór hjá Hólmavíkurkirkju, sem hún og séra Sigríður halda utan um. Þegar hafa skráð sig um 30 börn á aldrinum 10-15 ára.

 

b) Möguleikhúsið var hér á ferð í síðustu viku með sýninguna Prumpuhóllinn. Sveitarfélagið og foreldrafélög leik- og grunnskóla stóðu fyrir því.

 

c) Café Riis ætlar að standa fyrir karókí-kvöldi 23. október 2010.

 

d) Héraðsbókasafnið stendur fyrir Bangsadegi 27. október nk.

 

e) Lionsklúbburinn ætlar að standa fyrir fiskiréttarkvöldi 6. nóvember nk.

 

Fundargerðin lesin upp og samþykkt samhljóða. Fleira ekki fyrir tekið og fundi slitið kl. 15.45.

 

Salbjörg Engilbertsdóttir (sign)

Rúna Stína Ásgrímsdóttir (sign)

Lýður Jónsson (sign)

Steinunn Þorsteinsdóttir (sign)

Ester Sigfúsdóttir (sign)

ATH: Fundargerðin var tekin fyrir á fundi sveitarstjórnar 5. okt. 2010.