Fundur var haldinn í Menningarmálanefnd, fimmtudaginn 7. febrúar 2008, á skrifstofu sveitarfélagsins og hófst hann klukkan 17:00.  Mætt voru: Arnar S. Jónsson formaður, Jón Halldórsson, Jóhanna Ása Einarsdóttir, Kristín Sigurrós Einarsdóttir og Rúna Stína Ásgrímsdóttir. Kristín Sigurrós Einarsdóttir ritaði fundargerð.  Formaður setti fundinn og gengið var til dagskrár.

1.. Hamingjudagar.
2. Styrkur til skiltagerðar.
3. Önnur mál.

1. Hamingjudagar.  
a. Fjárframlag til hamingjudaga 2008: Arnar greindi frá því að á fjárhagsáætlun þessa árs væri gert ráð fyrir 1,1 milljón til Hamingjudaga 2008, en nefndin hafði á síðasta ári ályktað um að til að gera hátíðina vel úr garði þyrfti 1,5 milljón króna framlag lágmark. Vissulega er um hækkun að ræða, en þrátt fyrir það telur nefndin hæpið að halda hátíðina þannig að hún haldi áfram að vaxa og dafna, fyrir þennan pening. Nefndin sér ekki að greiðar leiðir séu til að draga úr kostnaði þrátt fyrir að reynsla hafi skapast. Eftir nokkrar umræður var samþykkt eftirfarandi bókun: Menningarmálanefnd Strandabyggðar fer þess á leit við sveitarstjórn Strandabyggðar að hún endurskoði fyrri ákvörðun sína um að veita 1,1 milljón til bæjarhátíðarinnar Hamingjudaga 2008 og ítrekar ályktun sem fram kom í fundargerð Menningarmálanefndar 10. september 2007. Rúna Stína sat hjá við afgreiðslu á þessum lið fundarins.

b. Ráðning framkvæmdastjóra: Tímabært er að ráða framkvæmdastjóra vegna hamingjudaga 2008 og þarf að auglýsa það í næstu viku og gefa umsóknarfrest til 22. febrúar, en hátíðin fer fram kringum mánaðarmótin júní -júlí. Reiknað er með að hægt sé að vera með tilbúinn ráðningarsamning og fá staðfestingu sveitarstjórnar á honum þriðjudaginn 26. febrúar.
 
2. Styrkur til skiltagerðar. 
Rætt var um framkvæmdir vegna skiltagerðar, sem styrkur fékkst til úr Pokasjóði. Arnar stakk upp á að haft yrði samráð við Umhverfisnefnd og Byggingar-, umferðar- og skipulagsnefnd um málið. Siðan yrði hægt að boða opinn fund sem áhugasamir aðilar gætu skráð sig á, til að kalla t.d. eftir hugmyndum að efni og staðsetningu og annarri umræðu um verkefnið, og loks að bjóða verkið út. Samkvæmt umsókn til Pokasjóðs er reiknað með átta skiltum. Arnar er tilbúin til að kynna hugmyndina eins og hún er lögð upp í umsókninni og tekur að sér að hafa samband við nefndirnar. Fundur er áformaður miðvikudag 20. febrúar kl 20:00. Skráning verður á netfangið holmavik@holmavik.is . 

3. Önnur mál.
a. Menningarmálanefnd lýsir yfir ánægju sinni með framkvæmdir í Félagsheimilinu og framtak sveitarfélagsins og sjálfboðaliða í því máli.

b. Arnar stakk upp á því að haldinn yrði spjallfundur með Jóni Jónssyni Menningarfulltrúa Vestfjarða um menningarmál almennt. Nefndin stefnir að því, en fundartími var ekki ákveðinn að svo stöddu.

c. 100 ára fæðingarafmæli Steins Steinarr 8. október 2008: Ása greindi frá því að leikfélagið hefði áhuga á að setja upp verk í tilefni af því, byggt á ævi Steins Steinars. Rætt var um að Menningarmálanefnd stæði fyrir hátíðarhöldum í tilefni þessa.

Fleira ekki gert, fundi slitið kl 18:10.

Kristín Sigurrós Einarsdóttir (sign) 
Jón Halldórsson (sign)
Jóhanna Á. Einarsdóttir (sign)
Rúna Stína Ásgrímsdóttir (sign)    
Arnar S. Jónsson (sign)