Fundur Velferðarnefndar 27.maí 2013

 Mættir : Bryndís Sveinsdóttir(Strandabyggð),  Hrafnhildur Guðbjörnsdóttir(Strandabyggð),  Hrefna Þorvaldsdóttir(Árneshreppi), Gústaf Jökull Ólafsson(Reykhólahreppi) og  Jenný Jensdóttir(Kaldrananeshreppi).

Hildur Jakobína Gísladóttir félagsmálastjóri ritaði fundargerð.

Dagskrá :

1. 1.       Gróska – Nýtt samræmt Barnaverndarkerfi Grósku og Barnaverndarstofu kynnt

Félagsmálastjóri kynnir tilhögun kerfisins og kostnað fyrir Velferðarnefnd og óskar eftir því að það verði brugðist jákvætt við að taka upp notkun þess en Barnaverndarnefndin hefur á  að skipa neitt kerfi sem heldur utan um mikilvæga tölfræði varðandi þau mál.

1. 2.       Velferðarsjóður barna

Velferðarsjóður barna úthlutar styrkjum til foreldra barna sem búa við bágar félagslegar eða fjárhagslegar aðstæður. Styrkurinn er ætlaður til þess að kaupa sumargjöf eða annað sem barnið vantar hverju sinni og er árleg úthlutun úr sjóðnum. Félagsþjónustunni var úthlutað 60.000 krónur úr úthlutunarsjóði Velferðarsjóðs barna og  fengu 2 börn að njóta þess í ár.

1. 3.       Sálfræðiþjónusta

Félagsmálastjóri leggur fram bréf varðandi þátttöku sveitarfélaganna fjögurra sem mynda félagsþjónustuna, þess efnis að sálfræðingur komi reglulega eða á 5 vikna tímabili samtals 10 sinnum á ári til að sinna bæði börnum og fullorðnum. Heildarkostnaður vegna verkefnisins er 809. 500 krónur og  skiptist hlutfallslega á milli sveitarfélaganna. Öll meðferðarvinna er greidd af þeim sem sækja þjónustuna hverju sinni.

Bókun:

 „Velferðarnefnd Stranda- og Reykhólahrepps samþykkir að vísa erindi félagsmálastjóra Stranda og Reykhólahrepps til umfjöllunar og samþykkis fræðslunefnda, mennta- og menningarnefnda og skólanefnda sveitarfélaganna fjögurra sem aðild eiga að félagsþjónustunni.  Velferðarnefnd telur brýnt að orðið verði við  þeirri beiðni að fá sálfræðing á svæðið til að vinna áframhaldandi meðferðar og stuðningsvinnu þar sem þörf er á“.

1. 4.       Umönnunarkort langveikra barna og sundferðir

Lagt til umfjöllunar að veita langveikum börnum sem eru með umönnunarkort fríian aðgang að sundlaugum sveitarfélaganna fjögurra sem mynda félagsþjónustu Stranda- og Reykhólahrepps.

Bókun. „ Velferðarnefnd Stranda- og Reykhólahrepps samþykkir að veita þeim börnum sem eru með umönnunarkort frá Tryggingastofnun ríkisins frítt í sundlaugarnar í Árneshreppi, Kaldrananeshreppi, Reykhólahreppi og Strandabyggð.

1. 5.       Ársskýrsla félagsþjónustu Stranda- og Reykhólahrepps

Lagt fram til kynningar ársskýrsla með starfssemi félagsþjónustunnar fyrir árið 2012. Ársskýrslan verður sett inn á heimasíðu sveitarfélaganna.

1. 6.       Trúnaðarmál

Niðurstaða færð í trúnaðarbók

1. 7.       Trúnaðarmál

Niðurstaða færð í trúnaðarbók

Ekki fleira gert og fundi slitið klukkan 15:58