Sveitarstjórnarfundur 1310 í Strandabyggð

Fundur nr. 1310, í sveitarstjórn Strandabyggðar verður haldinn þriðjudaginn 13. október 2020 kl 16.00 í Hnyðju.

 

Fundardagskrá er svohljóðandi:

1. Lánsumsókn vegna kaupa á Hafnarbraut 25
2. Viðauki vegna kaupa á Hafnarbraut 25
3. Fjárhagsáætlun 2021
4. Fundargerðir nefnda
   1. Fræðslunefnd, frá 8.10.20
   2. Umhverfis- og skipulagsnefnd, frá 12.10.20
5. Forstöðumannaskýrslur
6. Skipan í nefndir
7. Starfsmannastefna Strandabyggðar – drög
8. Fjarvistarstefna Strandabyggðar – drög
9. Snjómokstursreglur – drög
10. Úthlutun byggðakvóta 2020/2021
11. Eignarhlutur í Byggðasafni Húnvetningar og Strandamanna – til kynningar
12. Umsókn um skólavist í öðru sveitarfélagi
13. Umsókn um breytt heiti lóðar
14. Ljósmyndir JK – til kynningar
15. Erindi vegna Jakobínutúns
16. Brunavarnir Dala, Reykhóla og Stranda, frá 22.09.20
17. Tillaga að breytingu á aðalskipulagi Reykhólahrepps – til kynningar
18. Stjórn Sambands íslenskra sveitarfélaga, fundir 887 og 888 – til kynningar
19. Hafnarsamband Íslands, fundir nr. 425 og 426 – til kynningar
20. Stjórn Vestfjarðastofu, fundir 28 og 29 – til kynningar
21. Stjórn Samtaka sjávarútvegssveitarfélaga, fundur nr 59, 09.10.20

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Ásta Þórisdóttir

Eiríkur Valdimarsson

Guðfinna Lára Hávarðardóttir

Pétur Matthíasson

Heilsugæslan hefur tekið saman töflu sem tekur mismunandi einkenni COVID-19, kvefs og flensu.

Hana er að sjá hér:

https://www.ahs.is/wp-content/uploads/2020/10/Mismunandi-einkenni-Covid-19-Kvefs-og-Flensu.png

Samgöngustofa mun standa fyrir námskeiði fyrir þá sem ekki hafa fullnægjandi starfshæfni samkv. skilyrðum rekstrarleyfis til farþega- og farmflutninga á landi samkvæmt reglugerð nr. 474/2017.  Námskeiðið verður haldið dagana 19. – 24 okt. nk. og kennt með fjarfundabúnaði....
Meira

Kæru íbúar Strandabyggðar,

Í nýlegum pistli mínum um Covid - 19 og viðbrögð við aukinni útbreiðslu, nefndi ég að starfsemi skólanna væri með óbreyttu sniði.  Það er ekki alls kostar rétt og er mér því ljúft og skylt að leiðrétta það.  Í gildi eru nefnilega eftirfarandi takmarkanir: 

"Foreldrar og aðstandendur skulu almennt ekki koma inn í skólabyggingar nema brýna nauðsyn beri til. Aðrir en starfsmenn og foreldrar sem koma inn í grunnskóla, svo sem vegna vöruflutninga, skulu gæta að 1 metra nálægðartakmörkun.​"

Foreldrar hafa fengið sendar upplýsingar um stöðu mála og síðan hvet ég alla til að fylgjast með á heimasíðum skólanna og sveitarfélagsins.

Kveðja

Þorgeir Pálsson
Sveitarstjóri Strandabyggðar

Kæru íbúar Strandabyggðar,

 

Covid-19 faraldurinn er í sókn að því er virðist og nokkur smit hafa greinst undanfarið á Vestfjörðum, auk mikils fjölda smita á höfðuborgarsvæðinu og víðar. Ríkislögreglustjóri hefur lýst yfir neyðarstigi almannavarna í samráði við sóttvarnalækni.  Faraldurinn virðist færast nær okkur og því rétt að rifja upp nokkur mikilvæg atriði sem við kynntum í vor. 

 

Þarftu aðstoð?

Strandabyggð, Rauði Krossinn og sóknarprestur leituðu í vor til fólks í Strandabyggð og um að skrá sig á lista yfir sjálfboðaliða sem vildu taka að sér að aðstoða íbúa við ýmis verk.  Þessi listi er ennþá til og við hvetjum fólk sem á erfitt með að komast milli staða að nýta sér þessa þjónustu, til að t.d. fá keypta matvöru eða sinna erindum á pósthús eða aðra staði.  Eins er alltaf hægt að hringja bara til að spjalla.

Við hvetjum íbúa til að hringja í eitthvað eftirtalinna númera:  451-3510 (Skrifstofa Strandabyggðar), 862-3517 (Sigríður Óladóttir, sóknarprestur) eða 899-0020 (Þorgeir Pálsson, sveitarstjóri).

 

Lokanir og skerðing þjónustu

Eins og fram hefur komið, eru nú hertar reglur.  Samkomutakmarkanir miðast við 20 manns, Flosabóli hefur verið lokað og hámark gesta í sundlaug er helmingur af leyfðum fjölda.  Skólarnir starfa hins vegar ennþá með óbreyttu sniði, sem skrifstofa og aðrar stofnanir sveitarfélagsins

Þetta gæti hins vegar allt breyst og því er mikilvægt að fylgjast vel með á heima- og facebook síðum sveitarfélagsins og stofnanna þess. 

 

Hreinlæti og sóttvarnir

Við þurfum nú að skerpa á okkar eigin vörnum, með handþvotti og sprittun.  Fjarlægðarmörk eru 1 meter milli manna og við verðum að muna þetta í návígi við annað fólk.  Reynum að takmarka sem mest slíka áhættu þegar við erum innan um ókunnuga, hvort heldur hér í Strandabyggð eða annars staðar á landinu.

Þrátt fyrir allan þann fjölda ferðamanna sem kom hingað í sumar eða á leið um núna, hefur enn sem komið er ekki greinst smit í Strandabyggð.  Við vonumst auðvitað til að halda þeirri stöðu og því má nú hvergi slaka á.

 

Kveðja

Þorgeir Pálsson

Sveitarstjóri Strandabyggðar

 

Hér nokkrar ganglegar heimasíður fyrir þá sem vilja kynna sér málið betur. 

www.covid.is

https://www.landlaeknir.is/

https://www.samband.is/um-sambandid/upplysingasida-vegna-covid-19/

http://www.strandabyggd.is/grunnskolinn/

http://www.strandabyggd.is/leikskolinn/
https://www.facebook.com/Jakobinutuni/