Gísli Gunnlaugsson byggingarfulltrúi Strandabyggðar verður með viðtalstíma í Þróunarsetrinu fimmtudaginn 12. apríl n.k. milli kl. 10:00-12:00. Fundur umhverfis- og skipulagsnefndar verður síðar þann sama dag. Einnig er hægt að hafa samband við Gísla í síma 892 3952 eða senda honum tölvupóst í netfangið gisli@tvest.is

Næsti fundur sveitarstjórnar Strandabyggðar verður haldinn þriðjudaginn 17. apríl 2012.

Sveitarfélagið Strandabyggð auglýsir eftir sumarstarfsfólki á eftirtalda starfsstaði sumarið 2012:
- Áhaldahús Strandabyggðar
- Vinnuskóli Strandabyggðar
- Íþróttamiðstöð Strandabyggðar

Leitað er að dugmiklu fólki með ríka þjónustulund sem hefur áhuga á að vinna að áframhaldandi þróun og uppbyggingu í Strandabyggð. Umsóknum skal skila á Skrifstofu Strandabyggðar að Höfðagötu 3, og er umsóknarfrestur til og með 12. apríl 2012. Einnig er hægt að senda umsóknir í tölvupósti á netfangið strandabyggd@strandabyggd.is Umsóknareyðublöð um störf hjá Strandabyggð má sjá neðst til hægri hér á síðunni.
...
Meira

Þrátt fyrir smávægilegt páskahret um helgina er óhætt að segja að vorið sé búið að hefja innreið sína á Ströndum - laukarnir spretta og farfuglarnir eru mættir á svæðið. Einn af vorboðunum er lagasamkeppni vegna Hamingjudaga á Hólmavík sem verða haldnir helgina 29. júní til 1. júlí í sumar. Skilafrestur á lagi í keppnina er til föstudagsins 4. maí, en stefnt er að því að halda keppnina sjálfa laugardagskvöldið 12. maí. Lagið má ekki hafa heyrst opinberlega áður. Sigurvegarinn í keppninni fær peningaverðlaun að upphæð kr. 50.000, en um leið skuldbinda menn sig til að koma sigurlaginu í útgáfu sem hæfir til útvarpsspilunar. Allar reglur varðandi keppnina má nálgast með því að smella hér.

Von er á frekari tíðindum af dagskrá Hamingjudaga á næstu vikum á vef hátíðarinnar, www.hamingjudagar.is. Í Strandabyggð eru allir dagar Hamingjudagar!

Strandabyggð óskar Strandamönnum nær og fjær og landsmönnum öllum gleðilegra páska!

Njótið páskahátíðarinnar!

Héraðsbókasafnið verður opið á laugardaginn kemur, 7. apríl, kl 13:00 - 14:00. Er það eini opnunardagurinn sem eftir er fram til páska. Safnið opnar síðan aftur þriðjudaginn eftir páska og verður opið frá kl. 10:00 - 13:30 alla virka daga til vors og einnig á þriðjudagskvöldum frá kl. 19:30 - 20:30. Sumaropnun verður nánar auglýst síðar.

Á safninu er alltaf eitthvað nýtt að sjá og skoða. Til að mynda bættist fjöldi bóka við safnkostinn eftir bókamarkað í Perlunni á dögunum. Þá eru í hverri viku teknar upp fjölmargar bækur úr safninu í Broddanesi og þeim komið fyrir á sérstöku borði, þar sem endurnýjað er á vikufresti. Loks eru keyptar inn á safnið allar vinsælustu bækur sem gefnar eru út hverju sinni. Það ættu því allir að finna eitthvað við sitt hæfi og fyrir aðeins kr. 2.900 á ári er hægt að fá lánaðan ótakmarkaðann fjölda bóka.