Hún Eva Lara er 4ára í dag.  Hún fékk fína kórónu og við sungum fyrir hana afmælissöngin
Innilega til hamingju með 4ára afmælið elsku Eva okkar.

Börn, foreldrar og aðstandendur !
Við viljum þakka ykkur fyrir gamla árið og óskum ykkur öllum velfarnaðar á því nýja.
Janúarmánuður verður helgaður Heilbrigði og velferð hér á Lækjarbrekku.
Elstu börnin á Tröllakoti fara í íþróttir með þeim eldri á fimmtudögum.
Við auglýsum betur á töflunni hvernig við ætlum að útfæra næsta mánuð.

Í dag héldum við jólaball á leikskólanum.  Viðar kom og spilaði á harmonikku og við gengum í kringum jólatréð og sungum ýmis jólalög.   Þegar við vorum að syngja þá sáum við einhverja rauðklædda karla á hlaupum í garðinum.  Þegar betur var að gáð voru þarna komnir tveir jólasveina og þeir komu inn og dönsuðu með okkur í kringum jólatréð og gáfu síðan öllum pakka.  Við enduðum svo litlu jólin okkar á því að fá okkur hangikjöt og hefðbundið meðlæti.

Hann Stefán Þór er 5ára í dag.  Hann fékk fína kórónu og við sungum ásamt jólasveinunum afmælissöngin fyrir hann.
Innilega til hamingju með 5ára afmælið elsku Stefán okkar.

Í dag fór 5ára hópur sinn árlega jólaseríurúnt.  Við skoðuðum  jólaljósin á Hólmavík og sáum margt mjög fallegt.  Fimmára hópur ákvað að jólahúsið 2013 væri Snæfell.  Það sem Elfa og Úlfar voru ekki heima í dag látum við þau fá viðurkenninguna sína þegar þau koma heim.

Föstudaginn 13. Des var bíódagur hjá okkur á leikskólanum.  Þá horfum við saman á góða mynd og fáum okkur djús og snakk.  Það þótti flestum mjög gott að kúra yfir mynd, því þessa daga eru mikil veikindi á börnum og þau börn sem koma á leikskólann eru sum nýstaðin upp úr veikindum eða mjög slöpp.

Í gær var mikið um að vera hjá okkur.  Fyriri hádegi fóru öll börnin og starfsfólkið með skólabílnum upp í krikju og hittum hana Sigríði prest.  Hún sagði okkur frá fæðingu Jesú og við sungum saman.  Krakkarnir sem eru að æfa helgileikinn sungu líka fyrir okkur. Við þökkum Sigríði kærlega fyrir þessa samverustund í kirkjunni.
Eftir hádegismatinn og hvíld örkuðum víð síðan út á cafe Riis og fengum okkur kakó og piparkökur hjá Báru og Ragnheiði.
Foreldrar komu með okkur og börnin sungu jólalög.  Allir voru ánægðir með söngin, kakóið og piparkökurnar.  Eins og oft áður þá leysti Bára hvert og eitt barn út með gjöf.  
Við þökkum kærlega fyrir okkur.  Það er alltaf mjög gott að koma í heimsókn á Riis og kærar þakkir til ykkar fyrir allar jólagjafirnar.

Í dag var föndurdagur á leikskólanum.  Pabbar og mömmur og afar og ömmur komu of föndruðu með börnunum sínum.  Það var mikið glimmerað og límt og skreytt.  Allir fengu sér svo piparkökur og kaffi .
Fleiri myndir eru í myndaalbúmi.

Í dag kom Ragnheiður Ingimundardóttir  til okkar og afhennti okkur pakka, sem kvenfélagið Glæður vildi færa leikskólanum.
Það var mikið fjör að taka við pökkunum og opna þá.  Innihaldið var alveg frábært.  Kubbalest og bóndabær á yngrideild og Playmo bóndabær á eldri deildina.  Við kunnum konunum í kvenfélaginu bestu þakkir fyrir gjöfina.

Hún Gyða varð 4ára á laugardaginn 7.des.  Á föstudaginn fékk hún fína kórónu í leikskólanum og við sungum fyrir hana afmælissöngin.  Innilega til hamingju með 4ára afmælið elsku Gyða okkar.